Afrit af íslenskuðu konungsbréfi um verslunareinokun á Íslandi til handa Kaupmannahöfn, Málmey og Helsingjaeyri til ársins 1614.

Afrit af vitnisburðarbréfi um eignarrétt kirkjunnar í Snóksdal á eyðikotinu Þorgeirsstaðahlíð. Hvalgrafir á Skarðsströnd, 13. desember 1599.

Afrit af fjórum vitnisburðum um Iðunnarstaðalandamerki og um Tunguskóg og sölu á Iðunnarstöðum.

Bréf og lýsing Eggerts Hannessonar að hann gæfi sinni dóttur, Ragnheiði, eiginmanni hennar Magnúsi Jónssyni og börnum þeirra allt það fastagóss og lausa peninga sem hann ætti á Íslandi, að tilteknum skilyrðum.

Eggert Hannesson gefur Ragnheiði dóttur sinni og manni hennar, Magnúsi Jónssyni, allar jarðir og lausafé sem hann átti 1578 á Íslandi og upp eru taldar, og tiltekur að sonur hans Jón skyldi ekkert af því hafa þar eð hann fengi allar eignir hans utantands. Auk þess gefur Eggert sérstaklega Birni Magnússyni, dóttursyni sínum, Bæ á Rauðasandi fyrir Sæból á Ingjaldssandi, sem hann hafði gefið honum áður. Gjafabréfið er gert á Bæ á Rauðasandi 30. júlí 1578 en vitnisburðurinn skrifaður í Vigur á Ísafirði mánuði síðar.

Afrit úr Gíslamáldögum af máldögum kirknanna Mýra, Núps og Sæbóls.

Afrit úr máldagabók Gísla biskups af máldaga kirkjunnar á Eyri við Seyðisfjörð.

Friðrik II. konungur fær Pétri Einarssyni til eignar Elliðaey fyrir Arnarstapa, lýsingu Péturs þar og kröfur hans í garð Ögmundar biskups Pálssonar.

Afrit af uppskrift sem lá á Höfða af transskriftarbréfi frá 1565 af máldaga Höfðakirkju frá 1461.

Afrit af konungsbréfi Friðriks II. sem býður að refsa fyrir ólifnaðarbrot eftir lögum landsins, en þar sem þau lög ná ekki til skal fylgja recessinum, þ.e. Kaldangursrecess frá 1558. Friðriksborg, 20. mars 1563.

Heitbréf Eyfirðinga frá 1477

Alþingisdómur um gildi 3.

Staðfesting Helgu Aradóttur á 3

Kaupmálabréf Björns Benediktssonar og Elínar Pálsdóttur

Kaupmálasamn. Björns Benediktssonar og Elínar Pálsdóttur

Kaupmáli Staðarhóls-Páls og Helgu Aradóttur

Afrit fimm bréfa viðvíkjandi Helgu Aradóttur og Elínu Pálsdóttur, dóttur hennar.

Afrit af þremur bréfum Kristján konungs þriðja til Daða bónda Guðmundssonar og Péturs bónda Einarssonar um að þeir sé Lauritz Múla hjálplegir að fanga Jón Arason, auk annars efnis.

Afrit (brot) af dómi Erlends Þorvarðssonar og Þorleifs Pálssonar, lögmanna, út nefndur af Otta Stígssyni, fógeta og höfuðsmanni yfir allt Ísland, um fiskibáta Hamborgara, verslun útlendinga og fleira. Dómurinn var út gefinn á Öxarárþingi 30. júní 1545.

Afrit af bréfi Ögmundar biskups Pálssonar til alþýðu manna í Skálholtsbiskupsdæmi gegn ýmsum óhæfum, svo sem hórdómum, manndrápum og að láta börn deyja úr hor og gegn öðrum stórsyndum. Dagsetningu vantar í uppskriftina en aðrar uppskriftir hafa 3. febrúar 1540.

Afrit af AM Dipl. Isl. Fasc. XLVII, 15: Jón Arason biskup á Hólum veitir Magnúsi djákna Jónssyni (syni sínum) prófastsdæmi milli Hrauns á Skaga og Hofs í Dölum, en Gísli prestur Sigurðsson fari með prófastsdæmið, dags. 26. ágúst 1528.

Afrit af AM Dipl. Isl. Fasc. XLV, 17: Tuttugu og fjórir prestar fyrir norðan land votta að þeir hafi lesið útskrift af bréfi kanoka Þrándheimsdómkirkju, þar sem þeir fá Ögmundi Skálholtsbiskupi fullt umboð yfir Hóladómkirkju og hennar eignum og peningum, en þeir afsegja hans yfirráðum að hlíta fyrir margar greinir, er bréfið hermir, og appellera allan þann ágreining fyrir erkibiskupinn í Niðarósi, dags. 29. október 1522.

Afrit af bréfi þar sem tólf klerkar nyrðra samþykkja séra Jón Arason ráðsmann og umboðsmann heilagrar Hólakirkju í öllum efnum milli Ábæjar og Úlfsdalsfjalla.

Afrit af tylftardómi klerka útnefndum af Gottskálk biskupi á Hólum um hjónaband Ingilbrikts Jónssonar og Höllu Vilhjálmsdóttur, dags. 12. maí 1517.

Afrit tveggja bréfa um tíundamál.

Uppskrift af afriti af máldaga kirkjunnar í Holti í Fljótum, skrifuðu úr Hólakirkjumáldagabók þann 15. apríl. 1643.

Ungt, ónákvæmt afrit af bréfi Gauta Ívarssonar erkibiskups í Niðarósi til manna í Hólabiskupsdæmi, að allir þeir er vörslur hafi á hálfkirkjum séu skyldir að gera biskupi reikningsskap af þeim, en Ólafur Rögnvaldsson Hólabiskup hafði kært málið fyrir erkibiskupi.

Afrit og útdrættir af fjórum bréfum um mál þeirra Hrafns lögmanns Brandssonar og Ólafs biskups Rögnvaldssonar frá 1481:

Afrit af skikkunarbréfi Ólafs biskups Rögnvaldssonar um sálumessur á Hólum í Hjaltadal. Uppskrift af bréfi Ólafs Rögnvaldssonar Hólabiskups, dagsettu 30. júlí 1479, um sálumessur á Hólum í Hjaltadal.

Stafrétt uppskrift Árna Magnússonar og fleiri manna af vitnisburðarbréfi Þorleifs Magnússonar um landamerki millum Hóls og Selár á Skaga. Bréfið er dagsett 26. október 1476 en uppskriftin er gerð 26. janúar 1707.

Afrit af Viðvíkurdómi frá 1474 um Hólateig í Fljótum og staðfestingu Ólafs biskups á dómi þessum.

Vitnisburður Jóns Þorsteinssonar og þriggja annarra manna um að aldrei hafi verið goldinn tollur til Vatnsfjarðar nema af Meiri-Hlíð. Afrit af bréfi sem dagsett er 2. september 1470.

Afrit af skiptabréfi Ólafar Loftsdóttur og hennar barna eftir Björn Þorleifsson hinn ríka.

Afrit af bréfi rituðu árið 1481 sem aftur er afrit af bréfi sem ritað var árið 1439. Það bréf er síðan afrit af frumbréfinu sem ritað var 17. júní 1368 og er vitnisburður séra Snorra Þorleifssonar, séra Flosa Jónssonar og séra Þorláks Narfasonar um biskupsgistingar á hálfkirkjum.

Sigurður Sigurðsson selur bróður sínum Jóni Arnórssyni hálfa jörðina Óspakseyri í Bitrufirði og hálfa jörðina Gröf í Krossárdal en fær í staðinn 16 hundruð í jörðinni Gillastöðum í Laxárdal.

Brynjólfur Bjarnason byggir Guðmundi Jónssyni eignarjörð sína Kaldrananes í Strandasýslu með nánar til teknum skilmálum frá fardögum 1787, og framvegis, meðan þeim um semur.

Tvö kaupbréf fyrir Guðlaugsvík við Hrútafjörð, á einu blaði.

Jón prestur Jónsson leigir Guðmundi Þorkelssyni jörðina Syðri-Vík (Guðlaugsvík) við Hrútafjörð, með skilmálum.

Samningur milli Bjarna Péturssonar á Skarði og Sigmundar Oddssonar um að Bjarni byggir Sigmundi alla jörðina Kaldaðarnes á Ströndum til ábýlis frá fardögum 1732 til fardaga 1733 og lengur, ef þeim um semur, með nánar tilteknum byggingarskilmálum.

Auglýsing Egils Finnssonar um það hvernig hann og kona hans, Þorbjörg Guðmundsdóttir, hafi komist að þeim jarðarpörtum sem þau eigi í Stóra- og Litla-Kálfalæk í Borgarfirði og Hundadal stærra í Miðdölum, og hverjir hafi átt þessa jarðarparta á undan þeim.

Auglýsing hreppstjóra og innbyggjenda í Víðidalshrepp að Jón Þorláksson eigi svo litla skuldlausa fjármuni að hann sé ekki löglega skyldur til að taka ómagana Björn Magnússon og Stíg Arason, sem upp á hann eigi að setjast. Bréfið er sennilega uppkast.

Valgerður Gísladóttir leigir Páli Jónssyni alla jörðina Kaldaðarnes á Ströndum frá fardögum 1685 til jafnlengdar 1686 með skilmálum sem nánar eru til teknir.

Bréf Eggerts Björnssonar á Skarði, skrifað 27. júní 1679, til lögmanna og lögréttumanna, fyrir hönd Björns sýslumanns Gíslasonar, að þeir gefi sýslumanni vottorð fyrir að hann hafi ekki verið orsök til þess þunga, sem leiguliðar hafi hlotið af umgengnum nautadauða, og ályktaður var árinu áður á alþingi.

Vitnisburður Bjarna Þorsteinssonar að hann var heimilisfastur hjá Guðmundi Hákonarsyni á Þingeyrum og hafi hann þar séð og lesið gjafabréf Guðmundar þar sem hann gaf fátækum jörðina Hamar á Ásum.

Guðlaug Finnsdóttir selur Helgu Magnúsdóttur og dóttur hennar Sigríði Hákonardóttur jörðina Tungufell og fær í staðinn jörðina Fossá í Kjós (drög). Á eftir eru drög að skuldauppgjöri þar sem Guðlaug meðkennir sig hafa fengið greiðslu frá Helgu.

Eiríkur Jónsson skjalfestir að hafa meðtekið greiðslu fyrir jörðina Hól í Svartárdal af bræðrunum sr. Guðmundi heitnum Gíslasyni og sr. Bjarna Gíslasyni.

Tvö bréf frá Þorvaldi Jónssyni til Brynjólfs biskups Sveinssonar um landamerki og jarðir á Norðausturlandi.

Hundurinn Passop, sem komst lífs af við strand hollenska Indlandsfarsins Het Wapen van Amsterdam, er tvígefinn.