Jón Vilhjálmsson Craxton Hólabiskup úrskurðar samkvæmt dómi háðum í sama stað og dag Höskuldi Runólfssyni að lúka árlega fjögur hundruð fríðvirð síðan Björn Eyjólfsson tók fyrst að sér jörðina Kelduland og svo síðan Höskuldur tók við henni og Höskuldi þess utan mörk í stefnufall.

Dómur átta presta og fjögurra leikmanna útnefndur af Jóni Vilhjálmssyni Craxton Hólabiskupi, þar sem jörðin Kelduland í Skagafirði er dæmd óbrigðileg eign heilagrar Hólakirkju í Hjaltadal.

Jón Vilhjálmsson Craxton Hólabiskup kvittar Þuríði Halldórsdóttur systur á Reynistað um barneign með Þorláki Sigurðssyni.

Goðsvin Comhaer Skálholtsbiskup og formann og umboðsmann heilagrar Hólakirkju vottar, að hann hafi séð próventubréf Jóns Vilhjálmssonar Craxtons Hólabiskups og Sveins Hallvarðssonar, og af því að Sveinn hefur fullgoldið próventukaupið kvittar biskup hann öldungis fyrir.

Jón Vilhjálmsson Craxton Hólabiskup kvittar Svein Hallvarðsson fyrir reikningsskap kirkjunnar á Ríp í Hegranesi.

Jón Vilhjálmsson Craxton Hólabiskup vottar, að hann hafi tekið Svein Haraldsson til próventu heim á Hólastað upp í það, sem jörðin Ríp í Skagafirði er dýrari en kirkjureikningur nemur, en af því að biskupi þótti of lítið fé, lofaði Sveinn honum tíu ára þjónustu. En fyrst Sveinn hefur þjónað biskupi og staðnum út þessi tíu ár, þá kvittar biskup hann með öllu um próventuna.

Testamentisbréf ónafngreinds manns, er gefur ýmsar gjafir einkum klaustrinu á Reynistað og systrunum þar, en bóla gengur um land.

Testamentisbréf Guðna Oddssonar, þar sem hann gefur ýmsar gjafir fyrir sál Þorbjargar Guðmundardóttur konu sinnar.

Jón Vilhjálmsson Craxton Hólabiskup kaupir hálft skip með rá og reiða, er heitir Bartholomeus og liggur í ósnum í Skagafirði af Vilhjálmi Bell og Játmundi Smidh fyrir tólf lestir skreiðar, er lúkast á tveimur árum.

Þorlákur Sigurðsson gefur með samþykki Guðmundar Þorlákssonar djákna sonar síns allan þann rétt og tiltölu, sem þeir áttu og höfðu til jarðarinnar Rípur í Hegranesi og Ástríður Jörundardóttir gaf Guðmundi, heilagri Hólakirkju og Jóni Vilhjhálmssyni Craxton Hólabiskupi, (sbr. bréf rá 24. mars 1431, nr. 491).

Dómur fimm manna útnefndur af Ara Þorbjarnarsyni officiali heilagrar Hólakirkju um hald Stefáns Hallssonar á prests- og kirkjutíundum af Uppsölum fyrir Munkaþverárklaustri.

Sveinn Hallvarðsson og Ástríður Jörundardóttir kona hans fá Jóni Vilhjálmssyni Craxton Hólabiskupi jörðina Ríp í Hegranesi upp í reikningskap, en það sem jörðin var dýrari gengur upp í próventu Sveins, og ákveða þeir ítarlegar um próventuskilmálana.

Jón Vilhjálmsson Craxton Hólabiskup skipar heilagri Hólakirkju og staðnum til ævinlegrar og óbrigðilegrar eignar jarðirnar Valþjófsstaði og Arnarstaði í Núpasveit upp í þá peninga, er Jón Pálsson prestur varð brotlegur biskupinum og Hólastað í málaferlum sínum, en jarðir þessar hafði Jón Bjarnason prestur afhent Jóni Pálssyni presti Hólakirkju til handa, þegar hann varð ráðsmaður, en Jón Þorfinnsson ábóti galt þær séra Jóni Pálssyni í ráðsmannskaup, og ógildir biskup það, af því að kirkjueignir eigi ekki að látast burt gegn öðru en fastaeign.

Vottorð tólf klerka og tólf leikmanna um það, að þeir hafi aldrei heyrt né vitað annað en veiting Grenjaðarstaða í Reykjadal hafi legið undir Hólabiskup fyrri en Jón Pálsson prestur nú kom út með veitingarbréf erkibiskupsins fyrir staðnum.

Dómur séra Jóns Pálssonar officialis heilagrar Hólakirkju um barneignir Margrétar Sigurðardóttur og Brynjólfs Egilssonar.

Jón Vilhjálmsson Craxton Hólabiskup staðfestir bréf hinna fyrri Hólabiskupa, Jörundar, Auðunar og Jóns, gefin til styrktar og verndar klaustrinu á Reynistað.

Fjórir menn votta um samræður Vigfúsar Ívarssonar við Guðríði Ingimundardóttur konu sína 9. ágúst 1429 um peninga þá, er Guðrún Sæmundardóttir ætti í hans garð.

1) Samningur Kristínar Björnsdóttur við lögarfa Þorleifs Marteinssonar um að gera upp kirkjuna í Víðidalstungu svo stóra sem hún var áður en hún brann, og fengu þeir henni Vatnshorn og Gauksmýri í Línakradal og lofuðu að svara henni 40 hundruðum ef þær jarðir riftuðust, 4. janúar 1428. 2) Transskriftarvottorð fimm manna um Víðidalstungubréf, 1442.

1) Vottorð tveggja manna, að Þórður Þorsteinsson bóndi með samþykki Sólveigar Runólfsdóttur konu sinnar fengi Gunnlaugi Guðmundssyni til eignar þá jarðarparta, sem Sólveig stóð til að erfa eftir Herdísi Þorgeirsdóttur móður sína, konu Gunnlaugs; átti Þórður að fá Kúskerpi í Skagafirði, en Gunnlaugur jarðir í Hornafirði. 2) Alþingissamþykkt um vinnufólk og fiskimenn.

Jón Þorfinnsson ábóti í Þykkvabæ og officialis heilagrar Hólakirkju samþykkir og tekur Illuga Björgólfsson til ævinlegrar próventu á staðinn í Reyninesi.

Próventusamningur Illuga Björgólfssonar og systur Þórunnar Ormsdóttur fyrir hönd klaustursins í Reyninesi.

Steindór Andrésson selur Steini Eyjólfssyni hálfa jörðina Brúarland í Deildardal fyrir 50 hundruð í lausafé.

Bróðir Ásbjörn Vigfússon ábóti á Þingeyrum kvittar Einar Bessason fyrir 30 hundraða, er hann var ábóta skyldugur fyrir jörðina Ytri-Ey í Höskuldsstaðaþingum.

Grímur Egilsson kaupir hálfa jörðina Brúarland í Deildardal af Ólafi Hallssyni og Jórunni konu hans fyrir lausafé.

Ásbjörn ábóti að Þingeyrum selur Einari Bessasyni bónda jörð klaustursins Ytri-Ey á Skagaströnd fyrir hálfan þriðja tug hundraða í lausafé, en komi brigður á jörðina þá á lausaféð að ganga til klaustursins í próventu Einars með öðru því, er hann vill meira gefa.

Ingibjörg Loftsdóttir gefur Magnús Jónsson öldungis kvittan um það umboð, er hann hefur haft yfir hennar peningum, nema þeim peningum, er hún á í Holti í Fljótum.

Tveir menn votta, að Þorsteinn Þorgrímsson hafi samþykkt sölu Þorgríms föður síns á jörðunni Neðstabæ í Norðuárdal til Helga Þormóðssonar, og að hann kvitti Helga um greinda jörð.

Séra Hannes Pálsson, Loftur Guttormsson og sex menn aðrir votta, að Adam Jakobsson hafi lesið fyrir kirkjudyrum í Saurbæ í Eyjafirði stefnubréf Mikaels Jónssonar prests til Ara Þorbjarnarsonar prests og Þorkels Guðbjartssonar prests að mæta á ársfresti fyrir erkibiskupinn í Niðarósi.

Mikael Jónsson prestur lýsir því að Jón Henriksson (Tófason) Hólabiskup, góðrar minningar, hafi kallað sig frá Noregi til að gerast prestur á hans umdæmi, og hafi biskup veitt sér Breiðabólsstað (í Vesturhópi), og hafi hann meðal annars gerst fjárráðamaður biskupsstólsins, og á deyjanda degi hafi Jón biskup, er hann sá af forvitru sinni og lækniskunnustu, að sjúkleikur sá, er hann hafði tekið, mundi draga hann til bana, skipaði sig til officialis og hafi það verið samþykkt af mörgum lærðum og leikum, en því embætti hafi hann lítt náð, og kennir það ofríki séra Þorkels Guðbjartssonar og séra Ara Þorbjarnarsonar, er prestafundur á Möðruvöllum kaus til officialis, og stefnir hann þeim því báðum á ársfresti fyrir erkibiskupinn í Niðarósi.

Jón Henriksson (Tófason) Hólabiskup kvittar Steindór Andrésson um hálfa jörðina Brúarland í Óslandshlíð.

Jón Henriksson (Tófason) Hólabiskup lýsir því að hann hafi unnt systrunum á Stað í Reyninesi staðinn að Hofi á Skagaströnd um aldur og ævi forfallalaust præter porcionem ecclesiæ.

Þrír menn votta um vitnisburði tveggja manna um reka jarðarinnar á Brimnesi í Svarfaðardal.

Sex manna dómur útnefndur af Jóni Henrikssyni (Tófasyni) Hólabiskupi um próventusamning Ástríðar Jörundardóttur, er hún hafði gert við Árna Ólafsson Skálholtsbiskup, þá er hann var umboðsmaður Hólastóls.

Árni Ólafsson Skálholtsbiskup, visitator og hirðstjóri yfir allt Ísland, kvittar Pál Runólfsson fyrir víseyri og landskuldum, sem hann hafi sýslu haft og umboð milli Jökulsár og Norðfjarðarnípu.

Árni Ólafsson Skálholtsbiskup kvittar Finnboga Jónsson (gamla), svein sinn, fyrir öllum þeim peningum, sem hann varð honum skyldugur.

Fjórir menn votta, að Jón Þorvaldsson hafi greitt Halldóru Broddadóttur, Brandi Brandssyni og Ingimundi Sighvatssyni fullt verð fyrir Laugaland í Fljótum, og að hlutaðeigendur hafi kannast við það.

Árni Ólafsson Skálholtsbiskup selur Sveini Hallvarðssyni jörðina Ríp í Hegranesi fyrir jarðirnar Borg og Írafell í Tungusveit, og geldur biskup Sveini upp í mismun tíu kúgildi.

Halldóra Broddadóttir, Brandur Brandsson og Ingimundur Sighvatsson selja Jóni Þorvaldssyni vasa jörðina Laugaland í Fljótum.

Árni Ólafsson Skálholtsbiskup og umboðsmaður heilagrar Hólakirkju tekur Ástríði Jörundardóttur í próventu upp á Hólastað með samþykki Sveins Hallvarðssonar bónda hennar, og gefur hún með sér jörðina Vallholt í Skagafirði fyrir 44 hundruð.

Sveinn Hallvarðsson selur Árna Ólafssyni Skálholtsbiskupi, með samþykki Ástríðar Jörundardóttur konu sinnar, jarðirnar Borg og Írafell í Tungusveit, en Árni biskup selur honum á mót Ríp í Hegranesi og þar með 10 kúgildi (sbr. bréf 1 . júní 1417, nr. 315).

Þorgrímur Sölvason kvittar Ólaf Ormsson fyrir 20 hundruðum, er han átti hjá honum upp í jörðina á neðri Mýrum í Höskuldsstaðaþingum.

Hrafn Guðmundsson lögmaður úrskurðar Finn Gamlason skyldugan að afhenda Magnúsi Böðvarssyni presti jörðina Barð í Fljótum til fullrar eignar.

Þórður Örnólfsson afhendir Finni Gamlasyni í umboði Valgerðar Vilhjálmsdóttur konu hans, jarðirnar Barð í Fljótum, Reyki, Grilli, Steinavöllu, Illugastaði, Nes, Ystamó, Móskóga og Laugaland.

Úrskurður Hrafns Guðmundssonar lögmanns um þrætu milli Þorleifs Marteinssonar og Þorleifs Árnasonar um það, hversu Guðný og Helgi börn Jóns Hákonarsonar hefði erft Víðidalstungu eftir hann.

Vitnisburður Jóns Jónssonar og Þorkels Blængssonar um jörðina Brúarland í Deildardal.

Séra Björgólfur Illugason gefur i klaustrið á Stað í Reyninesi undir reglu hins heilaga Benedicti Steinunni dóttur sína og Sigríði Sæmundardóttur frændkonu sína og gefur klaustrinu 50 hundraða í forgift.

Sigurður Jónsson selur Þorleifi Brandssyni hálfa jörðina Hleiðrargarð í Eyjafirði fyrir 30 hundruð.

Sigurður Þorvaldsson selur Ólafi Hallssyni hálfa jörðina Brúarland í Deildardal fyrir 14 kúgildi.

Vottorð tveggja manna um peninga þá, er Guðrún Sæmundardóttir erfði eftir Þórð Þórðarson prest.

Afhending Reynistaðarklausturs undir yfirsýn Loga Stígssonar officialis, þegar séra Björgólfur Illugason lét af ráðsmennsku, en systir Þórunn Ormsdóttir og systir Þuríður Halldórsdóttir tóku vð staðnum.