Höskuldur Árnason lofar Ólafi Rögnvaldssyni Hólabiskupi að lúka kirkjunni í Núpufelli að næstum fardögum tíutugi hundraða, og skyldi jörðin laus, þá er peningar þessir væru greiddir, en biskup hafði tekið hana að sér í síðustu fardögum.

Dómur tuttugu presta útnefndur af Ólafi Rögnvaldssyni Hólabiskupi um ákæru hans til Þorláks Semingssonar um það, að hann hefði höggvið skóg í jörðum Hólastaðar (Barnafell og Garður), og um 80 hundraða gjöf séra Semings Magnússonar föður Þorláks.

Kaupmálabréf Þorgils Þorsteinssonar og Guðrúnar Jónsdóttur.

Snjólfur Sigurðsson prestur lýsir því að hann hafi vegna Ólafs Rögnvaldssonar Hólabiskups lukt séra Guðmundi Skúlasyni svo mikla peninga fyrir jörðina Býjasker, sem bréfið greinir.

Tveggja tylfta dómur klerka útnefndur af Ólafi Rögnvaldssyni Hólabiskupi á prestastefnu um óhlýðni séra Guðmundar Skúlasonar við biskup.

Tveggja tylfta dómur klerka útnefndur af Ólafi Rögnvaldssyni Hólabiskupi á prestastefnu um óhlýðni séra Guðmundar Skúlasonar við biskup.

Tylftardómur klerka útnefndur af Ólafi Rögnvaldssyni Hólabiskupi um kæru biskups til Helga Ásgrímssonar daglegs sveins síns, að hann hefði ekki viljað ríða norður með öðrum sínum sveinum með séra Nikulási Vilhjálmssyni að lesa dóm yfir Oddi Arnórssyni.

Tylftardómur klerka, útnefndur af Ólafi Rögnvaldssyni Hólabiskupi, um kæru biskups til Odds Arnórssonar, að Oddur hefði höggvið Skeggja Oddsson biskupssvein ófæran í vísitasíuferð, að hann hefði hlaupið burt úr þjónustu biskups, að hann hefði hlaupið í kirkjudyrnar á Munkaþverá með spent armbrysti (lásboga) og pílu, að hann vildi höggva menn biskups í sömu vísitasíu á Bægisá og sló mat og öl á klæði biskups, að hann hefði gripið hengi sitt og kirkjunnar og ekki skilað aftur, að hann hefði bölvað biskupinum svo óheyrilega, að hann bað fjandann að eiga biskup og alla hans presta og enn fleira.

Dómur 22 presta útnefndur af Ólafi Rögnvaldssyni Hólabiskupi um kærur biskups til Höskulds Árnasonar, að hann hefði svarið rangan bókareið með Bjarna Ólasyni vísvitandi og viljandi, að hann hefði sett sig óheyrilega og afskaplega inn í kirkjunnar vald og að hann hafi tekið ranglega guðs þjónustu í sex ár síðan hann sór bókareiðinn.

Finnbogi Jónsson lögmaður heimilar Guðmundi Jónssyni jörðina Þorbjargarstaði til fullrar eignar, og kvittar hann um andvirði hennar.

Próventugerningur Jóns Sigfússonar og Arnþrúðar Árnadóttur við Jón ábóta og klaustrið á Munkaþverá.

Próventugerningur Jóns Sigfússonar og Arnþrúðar Árnadóttur við Jón ábóta og klaustrið á Munkaþverá.

Tylftardómur klerka útnefndur af Ólafi Rögnvaldssyni Hólabiskupi um alla þá, er gera hjúskap í meinbugum.

Sveinn Sumarliðason bóndi fær Jóni Finnbogasyni að gjöf til fullrar eignar jörðina Skáldalæk í Svarfaðardal, og gerir það með samþykki Guðríðar Finnbogadóttur konu sinnar.

Vitnisburður Erlends Ólafssonar um afhending Merkigils.

Þorsteinn Bessason selur Ólafi Rögnvaldssyni Hólabiskupi jörðina Laugaland í Fljótum, með samþykki Sigríðar Böðvarsdóttur konu sinnar, fyrir Steinnýjarstaði á Skagaströnd.

Ólafur Rögnvaldsson Hólabiskup selur Þorsteini Bessasyni jörðina Steinnýjarstaði á Skagaströnd fyrir Laugaland í Fljótum.

Dómur 24 klerka, útnefndur af Ólafi Rögnvaldssyni Hólabiskupi, um kæru biskups til séra Steins Þorvaldssonar um það, að hann hefði ekki viljað lesa forboðsbréf yfir Jóni Egd, að hann hefði farið orlofslaust burt úr biskupsdæminu og að hann hefði tekið guðs líkama í banni.

1) Dómur sextán presta útnefndur af Ólafi Rögnvaldssyni Hólabiskupi um ákæru Finnboga Jónssonar lögmanns til erfingja séra Sveinbjarnar Þórðarsonar, er haldið hafði staðinn og kirkjuna í Múla, eftir hann andaðan, Þorstein og Árna, að þeir hefði og héldi peninga Múlakirkju. 2) Reikningsgrein Múlakirkju í Aðaldal, sem séra Magnús Jónsson stóð Ólafi Rögnvaldssyni Hólabiskupi. 1489. Skrifuð á bakhlið bréfsins.

Vitnisburður Snjólfs Sigurðssonar prests um lúkning andvirðis Býjaskerja Guðmundi Skúlasyni presti, er Ólafur Rögnvaldsson Hólabiskup hafði af honum keypt, með þeim fleiri atriðum, er bréfið greinir.

Guðrún Gunnlaugsdóttir samþykkir það jarðakaup um Skarðsdal, er Jón Sigmundsson hafði gert við Jón Þórðarson, fái hún aðra jörð jafndýra.

Kristín Þorsteinsdóttir selur Guðmundi Jónssyni alla jörðina Þorbjargarstaði í Laxárdal fyrir tíu hundruð í lausafé.

Testamentisbréf Jóns Þórðarsonar.

1) Dómur klerka útnefndur af Ólafi Rögnvaldssyni Hólabiskupi um Grenjaðarstað og hans peninga, er þá var forstöðulaus eftir burtför Eiríks Einarssonar af landinu með þýskum í óhlýðni og þrjósku. 7. ágúst 1489. 2) Transskriftarbréf fjögurra manna. 2. september 1489.

Dómur klerka útnefndur af Ólafi Rögnvaldssyni Hólabiskupi um Grenjaðarstað og hans peninga, er þá var forstöðulaus eftir burtför Eiríks Einarssonar af landinu með þýskum í óhlýðni og þrjósku.

1) Tylftardómur, útnefndur af Ólafi Rögnvaldssyni Hólabiskupi, um kæru biskups til Þórðar Sveinbjarnarsonar út af kaupi biskups á Hólum í Laxárdal og Nesi í Fnjóskadal. 23. janúar 1489. 2) Transskriftarbréf þriggja manna. 5. júní 1489.

Tylftardómur, útnefndur af Ólafi Rögnvaldssyni Hólabiskupi, um kæru biskups til Þórðar Sveinbjarnarsonar út af kaupi biskups á Hólum í Laxárdal og Nesi í Fnjóskadal.

Margrét Ólafsdóttir gefur Ingibjörgu Þorvarðsdóttur frændkonu sinni fjórðung upp í Hvassafell í Eyjafirði í fjórðungsgjöf og tíundargjöf, en Bjarni Ólason bóndi hennar samþykkir gjöfina.

Jón Sigmundsson bóndi selur Jóni Þórðarsyni jörðina Skarðsdal í Siglufirði og kvittar hann um andvirði jarðarinnar.

1) Guðmundur Skúlason prestur selur Ólafi Rögnvaldssyni Hólabiskupi og heilagri Hólakirkju jörðina Býjasker á Rosmhvalanesi fyrir fjóra tugi hundraða í lausafé. 22. ágúst 1488. 2) Transskriftarbréf fjögurra manna. 6. ágúst 1489.

Guðmundur Skúlason prestur selur Ólafi Rögnvaldssyni Hólabiskupi og heilagri Hólakirkju jörðina Býjasker á Rosmhvalanesi fyrir fjóra tugi hundraða í lausafé.

Dómur tólf presta útnefndur af Ólafi Rögnvaldssyni Hólabiskupi um ákæru séra Jóns Þorvaldssonar til Sveins Oddssonar um ásetu á jörðinni Efra-Ási ótekinni.

1) Tveggja tylfta dómur, útnefndur af Ólafi Rögnvaldssyni Hólabiskupi á prestastefnu, um kæru biskups til Árna Höskuldssonar, að hann hefði eigi haldið Eyrarlandsdóm frá 7. júní 1479 (DI VI, nr. 202) um kirkjugóssin í Núpufelli og á Hnappstöðum. 9. júní 1488. 2) Transskriftarbréf fjögurra manna. 18. júní 1488.

1) Tveggja tylfta dómur, útnefndur af Ólafi Rögnvaldssyni Hólabiskupi á prestastefnu, um kæru biskups til Árna Höskuldssonar, að hann hefði eigi haldið Eyrarlandsdóm frá 7. júní 1479 (DI VI, nr. 202) um kirkjugóssin í Núpufelli og á Hnappstöðum. 9. júní 1488. 2) Transskriftarbréf fjögurra manna. 2. ágúst 1488.

1) Tveggja tylfta dómur, útnefndur af Ólafi Rögnvaldssyni Hólabiskupi á prestastefnu, um kæru biskups til Árna Höskuldssonar, að hann hefði eigi haldið Eyrarlandsdóm frá 7. júní 1479 (DI VI, nr. 202) um kirkjugóssin í Núpufelli og á Hnappstöðum. 9. júní 1488. 2) Transskriftarbréf fimm manna. 16. júní 1488.

Tveggja tylfta dómur, útnefndur af Ólafi Rögnvaldssyni Hólabiskupi á prestastefnu, um kæru til Árna Höskuldssonar, að hann hefði eigi haldið Eyrarlandsdóm frá 7. júní 1479 (DI VI, nr. 202) um kirkjugóssin í Núpufelli og á Hnappstöðum.

1) Tveggja tylfta dómur, útnefndur af Ólafi Rögnvaldssyni Hólabiskupi á prestastefnu, um kæru biskups til Halldórs Brandssonar, að hann hefði eigi haldið Viðvíkurdóm um kirkjugóssin á Barði í Fljótum frá 10. febrúar 1481 (DI VI, nr. 317; Barðsdómur hinn síðari). 9. júní 1488. 2) Transskrift af Barðsdómi. 2. ágúst 1488.

Tveggja tylfta dómur, útnefndur af Ólafi Rögnvaldssyni Hólabiskupi á prestastefnu, um kæru biskups til Halldórs Brandssonar, að hann hefði eigi haldið Viðvíkurdóm um kirkjugóssin á Barði í Fljótum frá 10. febrúar 1481 (DI VI, nr. 317; Barðsdómur hinn síðari).

Ólafur Rögnvaldsson Hólabiskup lýsir því, að Eiríkur Einarsson prestur kæmi til sín um vorið 1487 og kvæði bræður á Munkaþverá hafa kosið sig til ábóta, en biskup kvað hann ekki hafa "klausturkjöt", og setti hann þó til reynslu um tólf mánuði fyrir klaustrið; en að jólum kom prestur og beiddist þá í senn ábótavígslu og lausnar fyrir barneign, og þykir biskupi það ekki mega fara saman.

1) Þórður Örnólfsson afhendir Finni Gamlasyni í umboði Valgerðar Vilhjálmsdóttur konu hans, jarðirnar Barð í Fljótum, Reyki, Grilli, Steinavöllu, Illugastaði, Nes, Ysta-Mó, Móskóga og Laugaland. 25. desember 1416. 2) Tveir menn transskríbera bréf um nokkrar jarðir í Fljótum. 30. maí 1487.

1) Benedikt Sæmundson selur Ögmundi Andréssyni presti með samþykki Sigríðar Hallsdóttur konu sinnar 15 hundraða part í Borgarhöfn í Hornafirði, er hann erfði eftir Sigríði Jónsdóttur móður sína. 13. maí 1486. 2) Transskriftarbréf tveggja manna. 4. október 1489.

Sveinn Jónsson prófastur og almennilegur dómari milli Helkunduheiðar og Breiðdalsár lýsir eiði Benedikts Sæmundssonar um sölu hans á 15 hundraða parti í Borgarhöfn til séra Ögmundar Andréssonar.

Benedikt Sæmundsson selur Ögmundi Andréssyni presti með samþykki Sigríðar Hallsdóttur konu sinnar 15 hundraða part í Borgarhöfn í Hornafirði, er hann erfði eftir Sigríði Jónsdóttur móður sína.

Bréf Einars Ísleifssonar ábóta á Munkaþverá um gjafir hans til Stígs Einarssonar frænda síns.

Ólafur Jónsson fær Ólafi Rögnvaldssyni Hólabiskupi til fullrar eignar jörðina Þverá í Svarfaðardal fyrir jörðina Svartárdal í Dölum.

Sigurður Þorláksson prestur fær Ólafi Rögnvaldssyni Hólabiskupi og heilagri Hólakirkju til ævinlegrar eignar jörðina Hól í Siglufirði "fyrir þær sektir, sem hann varð skyldugur biskupinum og kirkjunni uppá þau þrjú ár, sem hann var officialis og biskupinn var burt af landinu".

Sumaliði Eiríksson bóndi handsalar Einari Ísleifssyni ábóta á Munkaþverá til fullrar eignar jörðina Teig í Hrafnagilsþingum.

Þorgerður Jónsdóttir selur Magnúsi Jónssyni hálfa jörðina Efsta-Fell í Kinn, með greindum ítölum í aðrar jarðir, fyrir Geirbjarnarstaði í Kinn og tíu hundrað að auki.

Árni Þorsteinsson kvittar Pál Jónsson fyrir Hallsteini Þorsteinssyni um andvirði Molastaða í Fljótum.

Hálfdan Einarsson handsalar Einari Ísleifssyni ábóta á Munkaþverá klaustrinu til eignar þann skóg, er hann reiknaðist eiga í Vaglajörðu í Fnjóskadal, gegn svo miklu timbri úr skóginum, er Árni Einarsson bróðir Hálfdanar hafði átt skilið, en það var tíu hundrað að tölu eða tólf.