Ólafur Ingimundarson prestur vottar, að hann hafi krafið Árna Höskuldsson í umboði Ólafs Rögnvaldssonar Hólabiskups eftir prestastefnu dómi kirkjugóssanna í Núpufelli, en Árni hefði enga peninga lagt fram.

1) Dómur 26 klerka útnefndur af Ólafi Rögnvaldssyni Hólabiskupi um kæru biskups til Árna Höskuldssonar um kirkjuféin í Núpufelli í Eyjafirði og á Hnappstöðum í Fljótum. 7. júní 1479. 2) Transskriftarbréf fjögurra manna af Núpufellsdómi. 14. júní 1480.

Dómur tólf presta útnefndur af Ólafi Rögnvaldssyni Hólabiskupi um ákæru biskups til séra Einars Benediktssonar, að hann hefði ekki haldið sína lofan og hlýðni eftir því sem hans bréf þar um gert útvísar, þá er biskupinn unnti honum Grenjaðarstað (sjá DI V, nr. 549).

Ólafur Rögnvaldsson Hólabiskup samþykkir jarðakaup þeirra Sigurðar Jónssonar príors á Möðruvöllum og Magnúsar Benediktssonar bónda, um Sírelsstaði í Kræklingahlíð og Skuggabjörg í Fnjóskadal.

Páll Brandsson bóndi fær Ólafi Rögnvaldssyni Hólabiskupi hálfa jörðina Hól í Laxárdal í Þingeyjarþingi í þann reikningsskap, er þá fór í millum þeirra.

Vitnisburður fjögurra presta, að Marjón hafi fengið Ólafi Rögnvaldsyni Hólabiskupi og heilagri Hólakirkju jörðina Finnastaði í Höfðahverfi fyrir þau frænsdemisspell, er Steinvör dóttir hennar féll í með Sigurði Grímssyni.

Sigmundur Jónsson selur Jóni Péturssyni presti jörðina Illugastaði í Flókadal með fyllra skilorði en næsta bréf á undan greinir (þ.e. DI VI, nr. 165).

Sigmundur Jónsson selur Jóni Péturssyni presti jörðina Illugastaði í Flókadal og alla þá peninga, sem hann hafði erft eftir foreldra sína og Sölva bróður sinn, fyrir sjö hundruð og átta ára framfæri.

Magnús Ásgrímsson prestur afhendir Ólafi Rögnvaldssyni Hólabiskupi jörðina Eið á Langanesi til fullrar eignar fyrir þær sakir og brot, sem hann hafði brotlegur orðið með biskupinn.

Vottorð þriggja klerka, að Óli Bjarnason og Þóra Sturludóttir kona hans hafi árið 1435 fengið Gottskálki Kenekssyni Hólabiskupi jörðina Ljósavatn kvitta af sér og ákærulausa.

Sigmundur Steinþórsson veðsetur Ólafi Rögnvaldssyni Hólabiskupi jörðina Flatatungu í Skagafirði, að dýrleika tíu tugi hundraða, fyrir sektir við biskup út af Miklabæjarráni og öðrum oftekjum, en áskilur sér lausn á jörðinni innan þriggja ára.

Vitnisburðarbréf, að Jón Sigmundsson hafi handabandað séra Sigmundi Steindórssyni föður sínum að veðsetja Ólafi Rögnvaldssyni Hólabiskupi jörðina Flatatungu, en lausn skyldi heimil á jörðinni í þrjú ár.

Vitnisburður Árna Arnbjarnarsonar um það, að Melur í Miðfirði eigi allar Árengjar, þrætuland milli Mels og Sveðjustaða í Miðfirði.

Magnús Magnússon bóndi fær Ólafi Rögnvaldssyni Hólabiskupi jörðina Ljósavatn í Ljósavatnsskarði fyrir jörðina Hof í Svarfaðardal.

Sáttabréf þeirra Bjarna Ólasonar og Einars Ísleifssonar ábóta á Munkaþverá um rekann fyrir Vík í Flateyjardal.

Vitnisburðarbréf um lýsing Þorvalds Jónssonar um landamerki Skóga í Fnjóskadal.

Þorsteinn Illugason prestur fær Ólafi Rögnvaldssyni Hólabiskupi tólf hundruð í jörðinni Tungu í Vatnsdal með einu málnytukúgildi.

1) Þorleifur Björnsson kvittar Svein Guðmundsson um andvirði jarðarinnar á Kryddhóli. 8. janúar 1477. 2) Transskriftarbréf tveggja manna. 7. maí 1490.

Þorleifur Björnsson kvittar Svein Guðmundsson um andvirði jarðarinnar á Kryddhóli. 8. janúar 1477.

1) Fjórir menn votta, að Þorleifur Björnsson hafi 2. janúar 1477 selt Sveini Guðmundssyni alla jörðina á Kryddhóli í Skagafirði fyrir Ásgrímsstaði í Hegranesi og þar til lausafé. 9. janúar 1477. 2) Transskriftarbréf tveggja manna. 7. maí 1490.

Fjórir menn votta, að Þorleifur Björnsson hafi 2. janúar 1477 selt Sveini Guðmundssyni jörðina á Kryddhóli í Skagafirði fyrir Ásgrímsstaði í Hegranesi og þar til lausafé.

Bréf um landamerki Ytra-Hóls í Kaupangssveit og Grafar.

Þórður Jónsson gefur Sigurði Þorlákssyni presti jörðina Hól í Siglufirði í löggjöf sína, en Sigurður prestur gefur Þórði söðul með öllum reiðskap fyrir tvo hundruð og góðan hest bleikálóttan.

Þórður Jónsson lýsir því, að hann hafi gefið séra Sigurði Þorlákssyni jörðina Hól í Siglufirði.

Tveir menn lýsa því að Guttormur Jónsson handlagði Þórði Jónssyni bróður sínum tíu hundruð í jörðinni Hóli í Siglufirði.

Guttormur Jónsson lýsir því, að hann hafi gefið Þórði Jónssyni bróður sínum tíu hundruð í jörðinni Hóli í Siglufirði.

Dómur útnefndur af séra Jóni Broddasyni, officialis fyrir norðan land og ráðsmanni á Hólum, um ákæru hans til Jóns Þórðarsonar, að hann hefði drepið hest fyrir Hólastað.

Vitnisburður um landamerki Hóls og Selár á Skaga.

Jón Broddason officialis Hólabiskupsdæmis bannar Magnúsi Illugasyni presti að þjónusta Einar Björnsson og hans fylgjendur, sem voru að ráninu í Miklabæ.

Klængur Einarsson prestur vottar, að hann hafi lesið dóminn um Hólateig, frá 19. apríl 1474 (DI V, nr. 654) yfir Þorvaldi Jónssyni.

Magnús Benediktsson selur Sigurði Jónssyni príor og klaustrinu á Möðruvöllum jörðina Skuggabjörg í Fnjóskadal með tilgreindum skógarmörkum og landamerkjum, en ábóti galt Magnúsi Sírelstaði (Sílastaði) í Kræklingahlíð, og gaf Magnús fimm hundruð í milli.

Óli Oddsson selur Jóni Ólasyni fjögur ágildi hins þrettánda hundraðs upp í jörðina Ærlæk í Öxarfirði fyrir jafnvirði í fríðvirðum peningum.

Snorri Bjarnason selur Einari Ísleifssyni ábóta og klaustrinu á Munkaþverá jörðina Hróastaði í Fnjóskadal með þeim gögnum og gæðum, er hann og Rannveig Björnsdóttir kona hans varð eigandi að, en ábóti leggur í mót Kross í Ljósavatnsþingum.

Snorri Bjarnason selur Einari Ísleifssyni ábóta og klaustrinu á Munkaþverá jörðina Hróastaði í Fnjóskadal með þeim gögnum og gæðum, er hann og Rannveig Björnsdóttir kona hans varð eigandi að, en ábóti leggur í mót Kross í Ljósavatnsþingum.

Ólafur Rögnvaldsson Hólabiskup tekur Ingibjörgu Þorláksdóttur til ævinlegrar próventu á Hólastað, en Kolli Magnússon bóndi hennar gefur í próventuna hálfa jörðina Skálá í Sléttuhlíð og þar til 22 hundruð í gangandi fé.

Einar Ísleifsson ábóti á Munkaþverá selur Sigurði Jónssyni príor og klaustrinu á Möðruvöllum skóg með tilgreindum ummerkjum í Skuggabjarga jörðu í Laufássókn, fyrir vervist út í Flatey með öllum vergögnum, saltbrennu, húsgerð og naustgerð.

Vitnisburður tveggja manna, að Hallsteinn Þorsteinsosn hafi gefið Þórði Jónssyni frænda sínum hálfa jörðina Hól í Siglufirði og þar til tíu hundruð í þarflegum peningum.

Ólafur Rögnvaldsson Hólabiskup bannar leikmönnum að taka prófaleiðslur og ganga dóma um eignir heilagrar kirkju og draga þær svo undir sig.

Ólafur Rögnvaldsson Hólabiskup tekur staðinn Miklabæ af Sigmundi Steindórssyni presti um þrjú ár, fyrir óhlýðni hans, og segir hann skyldugan að taka lausn og skriftir.

Ólafur Ingimundarson prestur vottar, að hann hafi í sumar lesið í lögréttu fyrir Brandi Jónssyni lögmanni og öllum ríkismönnum og almúganum dóm frá 29. apríl 1474 (DI V, nr. 654) um Hólateig í Fljótum, og lét Brandur lögmaður samþykkja prófaleiðslur biskups löglegar.

Viðvíkurdómur tólf presta útnefndur af Ólafi Rögnvaldssyni Hólabiskupi um Hólateig í Fljótum.

1) Sveinn Pétursson Skálholtsbiskup afleysir og kvittar þau hjón Árna Guðmundsson og Steinunni Sigurðardóttur, að settum skriftum, fyrir það þau voru með Þorleifi Björnssyni og hans fylgjurum í heimreið til Oddgeirshóla í Flóa þegar kirkjan var saurguð með slögum og blóðsúthellingum, kvittar biskup og fyrir bæn þeirra hjóna Þorleif og fylgjara hans af fjársektum en bannar þeim kirkjugöngu fyrr en þeir hafi tekið skriftir. 12. mars 1474 2) Sveinn Pétursson biskup í Skálholti gefur séra Oddi Péturssyni, officialis heilagrar Skálholtskirkju, umboð til að afleysa Þorleif Björnsson og þá sem með honum voru í Oddgeirshólareið 3. október 1473, og setja þeim skriftir nema Eyjólf lásara Gunnarsson, sem var í Krossreið, og Eyjólf Fúsason sem bannsunginn var af Ólafi biskupi á Hólum; ennfremur umboð til að skrifta Þorleifi og Ingveldi Helgadóttur fyrir síðustu barneign þeirra. 12. apríl 1474 3) Transkriftarbréf þriggja manna. 1. maí 1474.

Steingrímur Ísleifsson selur Einari Ísleifssyni bróður sínum, ábóta á Munkaþverá, propiciatorium (oblátuaskja?) með silfur forgyllt, er vegur vart fjórar merkur, klaustrinu til eignar, fyrir tíu málnytukúgildi og fimm geldfjárkúgildi, tvítuga voð, tvær stikur klæðis og tvo klyppinga á ári meðan fimm hundruð sé ólukt af skuldinni.

Ólafur Rögnvaldsson Hólabiskup setur Jón Snorrason af kjól og kalli fyrir manndrápsáburð, áverka við prest, rán og gripdeildir, óhlýðni, ill orð og verk, og hótar að bannfæra hann.

Jón Ólason selur Kolbeini Ingimundarsyni presti, heilagrar Hólakirkju til eignar, þrjú hundruð í Núpi í Öxarfirði fyrir fimm hundruð, og kvittar um andvirðið.

Stefnubréf Ólafs Rögnvaldssonar Hólabiskups til Þorláks Gíslasonar um það, að hann hefði farið til Efsta-Lands, jarðar Hólakirkju, brotið upp bæinn, raskað húsum og hrakið Ásgrím Árnason, landseta heilagrar kirkju.

Sigurður Þorláksson prestur og Kolli Magnússon lofa Ólafi Rögnvaldssyni Hólabiskupi að gera upp á sinn eigin kostnað kirkjuna í Ási í Hegranesi svo góða sem hún áður var, nema biskup skyldi leggja til sex hundruð, og taka þeir jörðina á leigu um þrjú ár.

Eyvindur Eyvindsson selur Eyjólfi Arnfinnssyni bónda, með samþykki Sölva Jónssonar, til fullrar eignar jörðina Skarðsdal með kotinu Leyningi í Siglufirði fyrir 14 hundruð í lausafé.

Dómur útnefndur af Ólafi Rögnvaldssyni Hólabiskupi um ákæru séra Jóns Broddasonar, ráðsmanns Hólastaðar, til Þórarins Þorsteinssonar, að hann hefði ekki goldið leigur af sex kúgildum Hólastaðar og tvö ásauðar kúgildi.