Vitnisburður Sveins Magnússonar prests og ráðsmanns á Möðruvöllum, að hann hafi tekið af Árna Einarssyni 7 hundruð vaðmála og 2 hundruð í slátrum fyrir það 10 hundraða ílag, er staðurinn átti í jörðina Ásláksstaði í Kræklingahlíð.

Halldór Arngeirsson bóndi kaupir hálfa jörðina Marbæli af Þuríði Jónsdóttur.

Sumarliði Þorsteinsson kvittar Benedikt Brynjólfsson fyrir verði jarðarinnar Sauðár.

Pétur Nikulásson Hólabiskup kvittar Árna Einarsson um 10 hundraða ílag í jörðina Ásláksstaði í Kræklingahlíð.

Pétur Nikulásson Hólabiskup kaupir jarðirnar Bakka og Læk undir Hólakirkju af Halldóri Arngeirssyni bónda fyrir jarðirnar Syðri-Brekkur og Ytri Brekkur.

Skoðunargerð sex manna á jörðunum Læk og Bakka og Syðri-Brekkum og Ytri-Brekkum og landamerkjasetning á milli þeirra.

Skrá yfir eignir Hólakirkju í Hjaltadal, þá er Pétur Nikulásson Hólabiskup bjóst til skips.

Halldór Loftsson prestur selur Böðvari Ögmundarsyni djákna Krossanes í Kræklingahlíð fyrir Skriðuland og Hallfríðarstaði með tilgreindum landamerkjum og ítökum.

1) Þórður Þórðarson og Steinmóður Þorsteinsson officiales skipa Þorsteini Hallssyni svart kirkjuhlutann í Knappsstöðum í Fljótum, 16. apríl 1399. 2) Þorsteinn Hallsson svartur kaupir hálfa jörðina Knappstaði í Fljótum, 16. apríl 1399. 3) Transscriptum þriggja presta af tveim bréfum um Knappstaði í Fljótum frá 16. apríl 1399, 13. júní 1479.

Vitnisburður Marteins Ívarssonar um landamerki Molastaða.

Óttar Bjarnarson handleggur Ormi Snorrasyni til fullrar eignar þau tuttugu hundruð, er hann átti að heimta þá um vorið af staðnum í Reyninesi, og verið skyldi hafa forgift Brigitar Óttarsdóttur, dóttur hans ef hún hefði þar inngengið og staðfests þar í hreinlífi.

Omur Snorrason gefur guði allsvaldanda, hans signuðu móður og öllum guðs heilögum mönnum þau 20 hundruð, er Óttar Bjarnarson hafði honum selt, og sem hann hafði átt að staðnum í Reynisnesi.

1) Sálugjafarbréf (testamentisbréf) Margrétar Þorvaldsdóttur, 30. nóvember 1401. 2) Þrír prestar transrkíbera sálugjafarbréf (testamentisbréf) Margrétar Þorvaldsdóttur, 30. maí 1487.

Reikningsskapur séra Þórðar Þórðarsonar og Valdísar Helgadóttur barnamóður hans.

1) Eilífur Ólafsson vottar að Valdís Helgadóttir hafi pláguveturinn gefið Þingeyrakirkju í sitt testamentum jörðina Ytriey á Skagaströnd, ef hún andaðist úr þeirri sótt er þá gekk yfir landið. 28. júlí 1403. 2) Guðmundur Indriðason transkríberar bréf Eilífs Ólafssonar frá 28. júlí 1403. 6. júní 1527

Fjórir menn votta, að Höskuldur Runólfsson seldi Jóni Sighvatssyni 1404 jörðina að Hvoli í Vesturhópi fyrir Tungufell í Svarfaðardal.

Logi Stígsson prestur og fimm menn aðrir votta að þeir hafi séð sálugjafabréf Steinmóðar Þorsteinssonar prests og tilfæra úr því kafla.

Jón Broddason pretur kvittar Kolla Magnússon bóda fyrir að hafa goldið hálfa Skálá með tilgreindum hlunnindum í próventu Ingibjargar Þorláksdóttur húsfreyju sinnar.

Þorvaldur Eiríksson vottar að hann heyrði Einar Þorbjarnarson lýsa því í Fornhaga í Hörgárdal pláguárið (1403) að Ingiríður Böðvarsdóttir gaf Hólakirkju í Hjaltadal jörðina Kelduland í Skagafirði.

Guðríður Ólafsdóttir vottar að Rannveig Eiríksdóttir hafi 13. ágúst 1407 gefið Oddi Oddssyni í fjórðungsgjöf hálfa jörðina Skóga í Axarfirði og þar til tíu hundruð; samþykkti Oddur Eiríksson bóndi hennar gjöfina og lagði mála konu sinnar upp í jörðina Ærlæk.

Árni Einarsson og tveir menn aðrir votta, að Valgerður Erlendsdóttir handfesti séra Höskuldi Hákonarsyni fullan bókareið, að hún var hjá pláguárið, að Ingiríður Böðvarsdóttir gaf kirkjunni á Hólum í Hjaltadal jörðina Kelduland í Skagafirði.

Afhending Reynistaðarklausturs undir yfirsýn Loga Stígssonar officialis, þegar séra Björgólfur Illugason lét af ráðsmennsku, en systir Þórunn Ormsdóttir og systir Þuríður Halldórsdóttir tóku vð staðnum.

Vottorð tveggja manna um peninga þá, er Guðrún Sæmundardóttir erfði eftir Þórð Þórðarson prest.

Sigurður Þorvaldsson selur Ólafi Hallssyni hálfa jörðina Brúarland í Deildardal fyrir 14 kúgildi.

Sigurður Jónsson selur Þorleifi Brandssyni hálfa jörðina Hleiðrargarð í Eyjafirði fyrir 30 hundruð.

Séra Björgólfur Illugason gefur i klaustrið á Stað í Reyninesi undir reglu hins heilaga Benedicti Steinunni dóttur sína og Sigríði Sæmundardóttur frændkonu sína og gefur klaustrinu 50 hundraða í forgift.

Vitnisburður Jóns Jónssonar og Þorkels Blængssonar um jörðina Brúarland í Deildardal.

Úrskurður Hrafns Guðmundssonar lögmanns um þrætu milli Þorleifs Marteinssonar og Þorleifs Árnasonar um það, hversu Guðný og Helgi börn Jóns Hákonarsonar hefði erft Víðidalstungu eftir hann.

Þórður Örnólfsson afhendir Finni Gamlasyni í umboði Valgerðar Vilhjálmsdóttur konu hans, jarðirnar Barð í Fljótum, Reyki, Grilli, Steinavöllu, Illugastaði, Nes, Ystamó, Móskóga og Laugaland.

Hrafn Guðmundsson lögmaður úrskurðar Finn Gamlason skyldugan að afhenda Magnúsi Böðvarssyni presti jörðina Barð í Fljótum til fullrar eignar.

Þorgrímur Sölvason kvittar Ólaf Ormsson fyrir 20 hundruðum, er han átti hjá honum upp í jörðina á neðri Mýrum í Höskuldsstaðaþingum.

Sveinn Hallvarðsson selur Árna Ólafssyni Skálholtsbiskupi, með samþykki Ástríðar Jörundardóttur konu sinnar, jarðirnar Borg og Írafell í Tungusveit, en Árni biskup selur honum á mót Ríp í Hegranesi og þar með 10 kúgildi (sbr. bréf 1 . júní 1417, nr. 315).

Árni Ólafsson Skálholtsbiskup og umboðsmaður heilagrar Hólakirkju tekur Ástríði Jörundardóttur í próventu upp á Hólastað með samþykki Sveins Hallvarðssonar bónda hennar, og gefur hún með sér jörðina Vallholt í Skagafirði fyrir 44 hundruð.

Halldóra Broddadóttir, Brandur Brandsson og Ingimundur Sighvatsson selja Jóni Þorvaldssyni vasa jörðina Laugaland í Fljótum.

Árni Ólafsson Skálholtsbiskup selur Sveini Hallvarðssyni jörðina Ríp í Hegranesi fyrir jarðirnar Borg og Írafell í Tungusveit, og geldur biskup Sveini upp í mismun tíu kúgildi.

Fjórir menn votta, að Jón Þorvaldsson hafi greitt Halldóru Broddadóttur, Brandi Brandssyni og Ingimundi Sighvatssyni fullt verð fyrir Laugaland í Fljótum, og að hlutaðeigendur hafi kannast við það.

Árni Ólafsson Skálholtsbiskup kvittar Finnboga Jónsson (gamla), svein sinn, fyrir öllum þeim peningum, sem hann varð honum skyldugur.

Árni Ólafsson Skálholtsbiskup, visitator og hirðstjóri yfir allt Ísland, kvittar Pál Runólfsson fyrir víseyri og landskuldum, sem hann hafi sýslu haft og umboð milli Jökulsár og Norðfjarðarnípu.

Sex manna dómur útnefndur af Jóni Henrikssyni (Tófasyni) Hólabiskupi um próventusamning Ástríðar Jörundardóttur, er hún hafði gert við Árna Ólafsson Skálholtsbiskup, þá er hann var umboðsmaður Hólastóls.

Þrír menn votta um vitnisburði tveggja manna um reka jarðarinnar á Brimnesi í Svarfaðardal.

Jón Henriksson (Tófason) Hólabiskup lýsir því að hann hafi unnt systrunum á Stað í Reyninesi staðinn að Hofi á Skagaströnd um aldur og ævi forfallalaust præter porcionem ecclesiæ.

Jón Henriksson (Tófason) Hólabiskup kvittar Steindór Andrésson um hálfa jörðina Brúarland í Óslandshlíð.

Mikael Jónsson prestur lýsir því að Jón Henriksson (Tófason) Hólabiskup, góðrar minningar, hafi kallað sig frá Noregi til að gerast prestur á hans umdæmi, og hafi biskup veitt sér Breiðabólsstað (í Vesturhópi), og hafi hann meðal annars gerst fjárráðamaður biskupsstólsins, og á deyjanda degi hafi Jón biskup, er hann sá af forvitru sinni og lækniskunnustu, að sjúkleikur sá, er hann hafði tekið, mundi draga hann til bana, skipaði sig til officialis og hafi það verið samþykkt af mörgum lærðum og leikum, en því embætti hafi hann lítt náð, og kennir það ofríki séra Þorkels Guðbjartssonar og séra Ara Þorbjarnarsonar, er prestafundur á Möðruvöllum kaus til officialis, og stefnir hann þeim því báðum á ársfresti fyrir erkibiskupinn í Niðarósi.

Séra Hannes Pálsson, Loftur Guttormsson og sex menn aðrir votta, að Adam Jakobsson hafi lesið fyrir kirkjudyrum í Saurbæ í Eyjafirði stefnubréf Mikaels Jónssonar prests til Ara Þorbjarnarsonar prests og Þorkels Guðbjartssonar prests að mæta á ársfresti fyrir erkibiskupinn í Niðarósi.

Tveir menn votta, að Þorsteinn Þorgrímsson hafi samþykkt sölu Þorgríms föður síns á jörðunni Neðstabæ í Norðuárdal til Helga Þormóðssonar, og að hann kvitti Helga um greinda jörð.

Ingibjörg Loftsdóttir gefur Magnús Jónsson öldungis kvittan um það umboð, er hann hefur haft yfir hennar peningum, nema þeim peningum, er hún á í Holti í Fljótum.

Ásbjörn ábóti að Þingeyrum selur Einari Bessasyni bónda jörð klaustursins Ytri-Ey á Skagaströnd fyrir hálfan þriðja tug hundraða í lausafé, en komi brigður á jörðina þá á lausaféð að ganga til klaustursins í próventu Einars með öðru því, er hann vill meira gefa.

Grímur Egilsson kaupir hálfa jörðina Brúarland í Deildardal af Ólafi Hallssyni og Jórunni konu hans fyrir lausafé.

Bróðir Ásbjörn Vigfússon ábóti á Þingeyrum kvittar Einar Bessason fyrir 30 hundraða, er hann var ábóta skyldugur fyrir jörðina Ytri-Ey í Höskuldsstaðaþingum.

Steindór Andrésson selur Steini Eyjólfssyni hálfa jörðina Brúarland í Deildardal fyrir 50 hundruð í lausafé.