Arkivverket
Den Arnamagnæanske Samling
Stofnun Árna Magnússonar í íslenskum fræðum
Þjóðskjalasafn Íslands
Þjóðskjalasafn Íslands, Reykjavík: 721 documents
(9 documents in progress, 0 done, 712 left)
Halldóra abbadís og konventusystur í Kirkjubæjarklaustri lýsa því, að þeim hafi, úr því Goðsvin Comhaer Skálholtsbiskup hafi lagt frjálsa kosning í þeirra skaut, komið saman um að leggja heldur frá klaustrinu árlega eitt hundrað til Reynistaðarklausturs í kost systur Margétar Þorbergsdóttur, en að taka hana til Kirkjubæjar og fá lagt árlega hundrað frá Reynistaðarklaustri.
Goðsvin Comhaer Skálholtsbiskup samþykkir kaup þeirra Barböru abbadísar á Reynistað við Guðmund Björgólfsson á jörðunni Skíðastöðum fyrir Skarð á Reykjaströnd (sjá bréf frá 24. júlí 1443).
Goðsvin Comhaer Skálholtsbiskup skipar Reynistaðarklaustri í kost með systur Margréti Þorbergsdóttur árlega hundrað frá Skálholti, annað hundrað frá Hólum og þriðja hundrað frá Kirkjubæjarklaustri.
Guðmundur Björgólfsson og Ragnheiður Þorvarðsdóttir kona hans selja klaustrinu á Reynistað jörðina á Skíðastöðum í Laxárdal fyrir jörðina Skarð á Reykjaströnd, og tilskildu það, að Barbara abbadís á Stað ætti að láta kenna syni þeirra til prests, og fór kaupið fram tíu dögum áður en það væri bréfað (sbr. DI IV, nr. 684).
Goðsvin Comhaer Skálholtsbiskup býður Jóni ábóta á Þingeyrum, Sigurði príor á Möðruvöllum og fimm klerkum öðrum fyrir norðan land að taka fullan reikningsskap af séra Jóni Pálssyni fyrri officialis og ráðsmanns starfi hans á Hólum fyrir næstu þrjú ár undanfarin.
Tveir menn votta að Úlfhildur Ketilsdóttir gaf klaustrinu á Stað í Reyninesi allar sínar bækur eftir sinn dag svo að engir peningar skyldu í mót koma.
Fimmtán klerkmenn fyrir norðan land kanna skilríki þau, er Gottskálk Kæneksson biskup hafði fyrir biskupsembætti á Hólum, og úrskurða þeir þau fullnægjandi og samþykkja hann fyrir löglegan Hólabiskup.
Skúli Loftsson selur Hallsteini Höskuldssyni jörðina Þingnes í Borgarfirði fyrir 60 hundraða, en Skúli leggur í mót hálf Býjasker á Rosmhvalanesi, Hraunhafnarbakka á Snæfellsnesi og þar til fjögur kúgildi búlæg, og votta þetta fjórir menn ári síðan en kaupið fór fram (1445).
Þrír klerkmenn votta, að Einar ábóti á Munkaþverá seldi með samþykki konventubræðra Gottskálki Hólabiskupi og Hólastað þann part, er klaustrið átti í Laxármýraósi, til móts við Grenjaðarstað, en biskup lét klaustrið fá í staðinn alla þá laxveiði, er Hólastaður átti í Deildará norður á Sléttu.
Dómur sjö klerkmanna útnefndur af Gottskálki Kænekssyni Hólabiskupi um séra Odd Þorkelsson, er biskupinn kærði fyrir það, að hann hefði haldið Bægisá ólöglega.
Þjóðólfur Þorvaldsson selur með samþykki Úlfheiðar Illugadóttur konu sinnar Jóni Bergssyni jörðina Neðstabæ í Norðurárdal í Höskuldsstaðaþingum fyrir 25 hundruð í lausafé.
Vitnisburður Hákonar Kálfssonar um selveiði í Jökulsá fyrir Skógum í Axarfirði.
Vitnisburður Sveinbjörns Þórðarsonar prests og Halls Árnasonar prests um vitnisburð Hákonar Kálfssonar viðvíkjandi Valþjófsstöðum í Núpasveit.
Vitnisburður Sveinbjarnar Þórðarsonar prests um jarðirnar Valþjófsstaði og Arnarstaði í Núpasveit.
Guðmundur Ólafsson ráðsmaður í Björgvin selur Gottskálki Kænekssyni Hólabiskupi jörð sína Skriðuland (nú kallað Efstaland) í Öxnadal norðan á Íslandi og kvittar fyrir andvirðið.
1) Vitnisburður Illuga Björgólfssonar um osttoll til Hólastaðar af hverjum skattbónda milli Hrauns á Skaga og Hrauns í Fljótum. 31. júlí 1448 2) Vitnisburður Steinþórs Jónssonar um osttoll til Hólastaðar af hverjum skattbónda milli Hrauns á Skaga og Hrauns í Fljótum. 3. ágúst 1448 3) Vitnisburður tólf mana um það að Hólastaður eigi osttoll af hverjum skattbónda milli Skaga og Hrauns í Fljótum. 7. júlí 1450 4) Fjórir menn transkríbera þrjú bréf um osttoll Hólakirkju. 17. júlí 1480
Úrskurður Gottskálks Kenekssonar Hólabiskups með samþykki tólf klerka um kæru Halldórs Brandssonar til Jóns ábóta á Þingeyrum, að ábóti héldi fyrir honum undir klaustrið jörðunni Ytri-Ey á Skagaströnd, sem Brandur eignaði sér vegna Helgu konu sinnar samkvæmt kaupbréfi og kvittunarbréfi, en af því þessi skilríki þóttu eigi gild, úrskurðast jörðin óbrigðileg eign Þingeyraklausturs.
Hjalti Þorsteinsson selur séra Þorsteini Jónssyni hálfa jörðina á Steinýjarstöðum á Skagaströnd, 10 hundruð að dýrleika fyrir lausafé.
Ólafur Loftsson selur Ásgrími Jónssyni með samþykki Guðrúnar konu sinnar jarðirnar Tjörn og Hafralæk í Aðaldal, en Ásgrímur leggur á mót með samþykki Guðrúnar Magnúsdóttur konu sinnar jörðina Lundarbrekku í Bárðardal.
Jón Þorkelsson selur Gottskálki Kenekssyni Hólabiskupi 25 hundruð í jörðinni Ási í Vatnsdal og Brekku í Grímstungnakirkjusókn en biskup gefur í mót jörðina Syðsta-Hvamm á Vatnsnesi og þar til tíu kúgildi.
Sigmundur Steindórsson prestur selur Gottskálki Kenekssyni Hólabiskupi 15 hundraða part í jörðunni Ási í Vatnsdal, en biskup geldur í móti jörðina Hól í Svartárdal, og á Sigmundur prestur að gefa 15 kúgildi í milli.
Guðmundur Björgólfsson selur Illuga Björgólfssyni bróður sínum rekann fyrir Sævarlandi fyrir rekann á milli Sauðarár og Gaukstaðaár og nýjan sexæring.
Þorsteinn Jónsson selur Gottskálki Kenekssyni Hólabiskupi 20 hundruð í jörðunni Ási í Vatnsdal fyrir jörðina Brandsstaði í Blöndudal og sex kúgildi, en af því biskup lét burt jörð, er Hólakirkja átti, fékk biskupinn Hólakirkju 20 hundruð upp í greinda jörð Ás í Vatnsdal.
Vitnisburður tólf manna um það, að Hólastaður eigi osttoll af hverjum skattbónda milli Hrauns á Skaga og Hrauns í Fljótum.
Ingibjörg Ólafsdóttir gefur með samþykki skilgetinna sona sinna þann tíu hundraða part, er hún átti í Núpi undir Eyjafjöllum og allt laust og fast, er hún þá átti, í vald Gottskálks Kenekssonar Hólabiskups.
Gottskálk Keneksson Hólabiskup leyfir að Einar ábóti á Munkaþverá selji Sigurði príor og klaustrinu á Möðruvöllum jörðina Gásir í Glæsibæjarþingum og þar til tíu kúgildi fyrir jarðirnar Gil og Vaglir í Hrafnagilsþingum.
Sex menn votta, að Sigurður príor á Möðruvöllum hafi selt Einari ábóta á Munkaþverá Gil og Vagli í Hrafnagilsþingum fyrir jörðina Gásir í Glæsibæjarþingum og þar til tíu kúgildi.
Sigurður Jónsson prestur og prófastur í Skagafirði, tekur fullan bókareið af Einari Magnússyni um skóg þann, er kallaður hefur verið Maríuhrís, í Ássjörðu í Hörgárdal milli Auðbrekkuskógs og Vindheimaskógs, og sver Einar, að hann hafi aldrei heyrt annað en Möðruvallaklaustur ætti skóginn.
Björn Þorleifsson bóndi selur Agli Grímssyni jörðina á Eyvindarstöðum og hálfa Reyki í Hrútafirði, en Egill gefur í móti Sólheima á Ásum, Grilli í Fljótum og Skuggabjörg í Deildardal.
Marcellus Skálholtsbiskup vottar, að Ólafur Rögnvaldsson, prestur Skálholtsbiskupsdæmis, hafi fengið sér fyrir hönd Gottskálks Kenekssonar Hólabiskups og umboðsmanns Skálholtskirkju tíu nobila í ensku gulli eða fjögur mörk í dönskum peningum.
Illugi Björgólfsson vottar, að hann hafi vitað, að Reynistaðarklaustur hafi óátalið um hálfan fimmta tug ára eða lengur tekið landskyldir af Hofi á Skagaströnd.
Tveir menn votta, að Sæmundur Hallsson kvittaði Gottskálk Keneksson Hólabiskup fyrir andvirði hálfrar jarðarinnar Núps undir Eyjafjöllum, sem hann hafði selt biskupi.
Jón Pálsson prestur selur Þorvaldi Jónssyni jörðina Reyki í Ólafsfirði með tilgreindum landamerkjum fyrir jörðina Skóga í Fnjóskadal, einnig með tilgreindum landamerkjum.
Dómur níu klerkmanna og tveggja leikmanna útnefndur af Jóni Snorrasyni presti og prófasti milli Glerár og Úlfsdalsfjalla um lambseldi til kirkju hins blessaða Ólafs kóngs á Völlum í Svarfaðardal.
Ólafur Rögnvaldsson Hólabiskup staðfestir dóm Jóns Snorrasonar prófasts frá 21. október 1454 um lambseldi til Vallakirkju í Svarfaðardal.
Einar Árnason sýslumaður í Þingeyjarþingi vottar, að Þorsteinn Oddsson hafi fyrir tveim árum svarið fyrir sér fullan bókareið, að hann hafi verið í Reykjahlíð fyrir tíu vetrum (1444), að Þorsteinn Einarsson festi Björgu Guðmundsdóttur sér til eiginkonu eftir guðs lögum.
Ásgrímur Þorkelsson selur Gottskálki Kenekssyni Hólabiskupi á staðarins vegna á Hólum jörðina Steinnýjarstaði fyrir jörðina í Haganesi við Mývatn.
Gottskálk Keneksson Hólabiskup selur Einari ábóta á Munkaþverá jörðina Kaldbak á Melrakkasléttu, er Hólastaður á, að fráteknum reka, en ábóti gefur í mót jörðina að Dýjum í Grenjaðarstaðaþingum.
Bróðir Steinmóður ábóti í Viðey vottar, að hann hafi verið við á Núpi undir Eyjafjöllum, þegar Sæmundur Hallsson og Ingibjörg Ólafsdóttir, móðir hans, seldu Gottskálki Kenekssyni Hólabiskupi (góðrar minningar) 20 hundruð í Núpi og kot, er þau áttu þar nærri, upp í próventu Ingibjargar ofl.
Jón Ólafsson kvittar Ólaf Loftsson föður sinn og Guðrúnu Rafnsdóttur móður sína fyrir föður- og móðurarfi sínum.
Klerkar fyrir norðan lands kjósa Ólaf Rögnvaldsson prest til Hólabiskups.
Barbara abbadís á Stað í Reyninesi selur Ólafi Grímssyni bónda jörðina Brúarland hálft í Deildardal fyrir Syðra-Vatn í Tungusveit.
Ólafur Rögnvaldsson Hólabiskup samþykkir skipti þeirra Barböru abbadísar á Stað og Ólafs Grímssonar bónda á jörðunum Brúarlandi í Deildardal og Syðra-Vatni í Tungusveit.
Próventubréf Helgu Finnsdóttur við frú Barböru abbadís og klaustrið á Stað í Reyninesi.
Guðríður Oddsdóttir handabandar með samþykki Ketils Þórðarsonar bónda síns Ólafi Rögnvaldssyni Hólabiskupi alla þá peninga, er henni hafa til erfða fallið eftir Blíg Höskuldsson föðurbróður sinn, hvar sem þeir uppspyrjast, fyrir 16 kúgildi, einn ketil og eitt hross.
1) Sýslubréf Ólafs Rögnvaldssonar Hólabiskups fyrir Skagafjarðarsýslu um tíu ár, útgefið af Kristjáni Danakonungi hinum fyrsta. 29. nóvember 1459. 2) Transskriftarbréf fjögurra manna. 12. október 1460.
Þorleifur Árnason lofar Agnesi priorissu og öllum systrunum á Stað í Reyninesi að taka hvorki klaustrið né þess peninga og veita þar engan styrk og engin ráð til að það sé gert.
Agnes priorissa á Stað í Reyninesi og allar konventusystur á Stað lofa Ólafi Rögnvaldssyni Hólabiskupi hlýðni og fullum trúskap sem þeirra formanni, og lýsa því, að Þorleifur Árnason hafi hvorki fengið umboð á þeirra né klaustursins peningum, 19. apríl 1461.
Ólafur Rögnvaldsson Hólabiskup samþykkir próventu Helgu Finnsdóttur á klaustrið á Stað í Reyninesi.
Page 4 of 15