Guðrún Gunnlaugsdóttir samþykkir það jarðakaup um Skarðsdal, er Jón Sigmundsson hafði gert við Jón Þórðarson, fái hún aðra jörð jafndýra.

Vitnisburður Snjólfs Sigurðssonar prests um lúkning andvirðis Býjaskerja Guðmundi Skúlasyni presti, er Ólafur Rögnvaldsson Hólabiskup hafði af honum keypt, með þeim fleiri atriðum, er bréfið greinir.

1) Dómur sextán presta útnefndur af Ólafi Rögnvaldssyni Hólabiskupi um ákæru Finnboga Jónssonar lögmanns til erfingja séra Sveinbjarnar Þórðarsonar, er haldið hafði staðinn og kirkjuna í Múla, eftir hann andaðan, Þorstein og Árna, að þeir hefði og héldi peninga Múlakirkju. 2) Reikningsgrein Múlakirkju í Aðaldal, sem séra Magnús Jónsson stóð Ólafi Rögnvaldssyni Hólabiskupi. 1489. Skrifuð á bakhlið bréfsins.

Dómur 24 klerka, útnefndur af Ólafi Rögnvaldssyni Hólabiskupi, um kæru biskups til séra Steins Þorvaldssonar um það, að hann hefði ekki viljað lesa forboðsbréf yfir Jóni Egd, að hann hefði farið orlofslaust burt úr biskupsdæminu og að hann hefði tekið guðs líkama í banni.

Ólafur Rögnvaldsson Hólabiskup selur Þorsteini Bessasyni jörðina Steinnýjarstaði á Skagaströnd fyrir Laugaland í Fljótum.

Þorsteinn Bessason selur Ólafi Rögnvaldssyni Hólabiskupi jörðina Laugaland í Fljótum, með samþykki Sigríðar Böðvarsdóttur konu sinnar, fyrir Steinnýjarstaði á Skagaströnd.

Vitnisburður Erlends Ólafssonar um afhending Merkigils.

Sveinn Sumarliðason bóndi fær Jóni Finnbogasyni að gjöf til fullrar eignar jörðina Skáldalæk í Svarfaðardal, og gerir það með samþykki Guðríðar Finnbogadóttur konu sinnar.

Tylftardómur klerka útnefndur af Ólafi Rögnvaldssyni Hólabiskupi um alla þá, er gera hjúskap í meinbugum.

Próventugerningur Jóns Sigfússonar og Arnþrúðar Árnadóttur við Jón ábóta og klaustrið á Munkaþverá.

Próventugerningur Jóns Sigfússonar og Arnþrúðar Árnadóttur við Jón ábóta og klaustrið á Munkaþverá.

Finnbogi Jónsson lögmaður heimilar Guðmundi Jónssyni jörðina Þorbjargarstaði til fullrar eignar, og kvittar hann um andvirði hennar.

Dómur 22 presta útnefndur af Ólafi Rögnvaldssyni Hólabiskupi um kærur biskups til Höskulds Árnasonar, að hann hefði svarið rangan bókareið með Bjarna Ólasyni vísvitandi og viljandi, að hann hefði sett sig óheyrilega og afskaplega inn í kirkjunnar vald og að hann hafi tekið ranglega guðs þjónustu í sex ár síðan hann sór bókareiðinn.

Tylftardómur klerka, útnefndur af Ólafi Rögnvaldssyni Hólabiskupi, um kæru biskups til Odds Arnórssonar, að Oddur hefði höggvið Skeggja Oddsson biskupssvein ófæran í vísitasíuferð, að hann hefði hlaupið burt úr þjónustu biskups, að hann hefði hlaupið í kirkjudyrnar á Munkaþverá með spent armbrysti (lásboga) og pílu, að hann vildi höggva menn biskups í sömu vísitasíu á Bægisá og sló mat og öl á klæði biskups, að hann hefði gripið hengi sitt og kirkjunnar og ekki skilað aftur, að hann hefði bölvað biskupinum svo óheyrilega, að hann bað fjandann að eiga biskup og alla hans presta og enn fleira.

Tylftardómur klerka útnefndur af Ólafi Rögnvaldssyni Hólabiskupi um kæru biskups til Helga Ásgrímssonar daglegs sveins síns, að hann hefði ekki viljað ríða norður með öðrum sínum sveinum með séra Nikulási Vilhjálmssyni að lesa dóm yfir Oddi Arnórssyni.

Tveggja tylfta dómur klerka útnefndur af Ólafi Rögnvaldssyni Hólabiskupi á prestastefnu um óhlýðni séra Guðmundar Skúlasonar við biskup.

Tveggja tylfta dómur klerka útnefndur af Ólafi Rögnvaldssyni Hólabiskupi á prestastefnu um óhlýðni séra Guðmundar Skúlasonar við biskup.

Snjólfur Sigurðsson prestur lýsir því að hann hafi vegna Ólafs Rögnvaldssonar Hólabiskups lukt séra Guðmundi Skúlasyni svo mikla peninga fyrir jörðina Býjasker, sem bréfið greinir.

Kaupmálabréf Þorgils Þorsteinssonar og Guðrúnar Jónsdóttur.

Dómur tuttugu presta útnefndur af Ólafi Rögnvaldssyni Hólabiskupi um ákæru hans til Þorláks Semingssonar um það, að hann hefði höggvið skóg í jörðum Hólastaðar (Barnafell og Garður), og um 80 hundraða gjöf séra Semings Magnússonar föður Þorláks.

Höskuldur Árnason lofar Ólafi Rögnvaldssyni Hólabiskupi að lúka kirkjunni í Núpufelli að næstum fardögum tíutugi hundraða, og skyldi jörðin laus, þá er peningar þessir væru greiddir, en biskup hafði tekið hana að sér í síðustu fardögum.

Höskuldur Árnason fær Ólafi Rögnvaldssyni Hólabiskupi og heilagri Hólakirkju til fullrar eignar jörðina Blængshól og lofar þar til 20 hundruðum í fullgildis peningum fyrir Mikaelsmessu (Mikjálsmessa, 29. september), fyrir þær sakir að hann sór rangan bókareið með Bjarna Ólasyni og fyrir óhlýðni og þrjósku við biskupinn í langan tíma. Þar með skal og Höskuldur halda settar skriftir.

Þorlákur Semingsson fær Ólafi Rögnvaldssyni Hólabiskupi og heilagri Hólakirkju jörðina Þóroddsstaði (Þórustaði) í Kaupangssveit til fullrar eignar og þar með fimm kúgildi, fyrir þá sök , er séra Semingur Magnússon faðir hans hafði haft burt tvo gullkaleika frá heilagri Hólakirkju.

Skiptabréf um jarðir Bjarna Ólasonar, er þeir gerðu Ólafur Rögnvaldsson Hólabiskup vegna heilagrar Hólakirkju og Ambrósíus Illeqvath hirðstjóri vegna Noregs konungs.

Sveinn Sumarliðason lofar Ólafi Rögnvaldssyni Hólabiskupi fylgi sínu og styrk, meðan þeir lifi báðir, gegn hverjum manni, nema ef biskup ágreindi við Finnboga Jónsson lögmann, mág Sveins, eða Pál Brandsson, þá skyldi Sveinn hvorugum veita.

Sveinn Sumarliðason fær Ólafi Rögnvaldssyni Hólabiskupi og heilagri Hólakirkju til fullrar eignar jörðina Krossanes í Kræklingahlíð og þar til átta málnytu kúgildi fyrir þær sakir og hugmóð, er hann, faðir hans og afi hefðu gert biskupi og heilagri Hólakirkju, og þar með voru þeir Sveinn og biskup sáttir.

Sveinn Sumarliðason bóndi selur Finnboga Jónssyni lögmanni til fullrar eignar 33 hundruð og 40 álnum betur í Hvassafelli í Eyjafirði fyrir jafnvirði, hvort sem Sveinn vildi heldur í lausafé eða jörðu, með fleira skilorði, er bréfið greinir.

Sveinn Sumarliðason bóndi afhendir Finnboga Jónssyni lögmanni þau 33 hundruð og 40 álnum betur, er hann eignaðist af Torfa Jónssyni í Klofa í jörðunni Hvassafelli í Eyjafirði, með fleira skilorði, er bréfið greinir.

Próventubréf Árna Bergssonar við klaustrið á Munkaþverá.

Skiptabréf þeirra Sigurðar Jónssonar príors á Möðruvöllum og Ólafs Rögnvaldssonar Hólabiskups um jarðirnar Engimýri, er klaustrið lætur, og Skollatungu, er biskup fær klaustrinu.

Guðmundur Jónsson gefur "sjúkur í líkama, en heill að samvisku" heilagri Hólakirkju og Ólafi Rögnvaldssyni Hólabiskupi jörðina Þorbjargarstaði í Laxárdal, en "hér í mót bað hann biskupinn fyrir guðs skuld að taka að sér tvo sonu sína og láta læra annan til prests, en hjálpa öðrum til manns".

Vitnisburður, að Halldór Brandsson hafi samþykkt, að Ólafur Halldórsson sonur sinn gæfi Sturlu Magnússyni í próventu og sér til framfærslu alla þá peninga, er Ólafi höfðu til erfða fallið eftir Helgu Einarsdóttir.

1) Sveinn Guðmundsson gefur heilagri Hólakirkju til ævinlegrar eignar jörðina Kryddhól í Víðimýrarkirkjusókn með þeim atriðisorðum, er bréfið greinir. 18. janúar 1492. 2) Transskriftabréf tveggja manna. 21. október 1493.

Helgi Ketilsson kvittar Jón Þorvaldsson prest um andviði jarðarinnar Ytri-Valla í Miðfirði.

Jón Þórðarson gefur Ólafi Rögnvaldssyni Hólabiskupi í testamentisgjöf sína jörðina Skarðsdal í Siglunesskirkjusókn.

Vottorð tveggja manna, að Semingur Magnússon prestur lýsti því, að hústrú Margrét Vigfúsdóttir hafi gefið sér jörðina Þóroddsstaði í Kaupangssveit, en hann hafi aftur gefið hana Þorláki Semingssyni "frænda sínum" til kvonarmundar.

Kaupmálabréf Ólafs Filippussonar og Vigdísar Jónsdóttur.

Dómur tólf klerka útnefndur af Ólafi Rögnvaldssyni Hólabiskupi um kærur biskups til séra Hallkels Guðmundssonar um afmörkun á einni á, sauðatöku og próventurof.

Dómur sautján klerka útnefndur af Ólafi Rögnvaldssyni Hólabiskupi um ákærur biskups til Þorsteins Þorleifssonar um töku á Húsavíkurstað og fleirum kirkjunnar eignum.

Vitnisburður um viðtal Eiríks Einarssonar prests og Ólafs Rögnvaldssonar Hólabiskups um sakir þær, er biskup taldi til hans.

Magnús Halldórsson prestur kvittar Ólaf Rögnvaldsson Hólabiskup um andvirði jarðarinnar Skútustaða, er hann hafði selt Hóladómkirkju.

Hallur Ásgrímsson fær Ólafi Rögvaldssyni Hólabiskupi og heilagri Hólakirkju til ævinlegrar eignar jörðina Steðja í Hörgárdal og lausafé að auk upp í sakir við biskupinn bæði fyrir kirknarán og barnshvarf.

Þorsteinn Þorleifsson bóndi fær Ólafi Rögnvaldssyni Hólabiskupi og Hóladómkirkju til eignar jarðrinar Presthvamm í Grenjaðarstaðarþingum og Tungu á Tjörnesi til fullrar eignar, og lausafé að auki, en biskup kvittar Þorstein um fjársektir þær, er á hann höfðu verið dæmdar.

Stefán Ögmundsson selur heilagri Hólakirkju fjórðunginn úr jörðunni Skálá í Sléttahlíð.

Solveig Hrafnsdóttir gefur sig til systralags í klaustrið á Stað í Reyninesi og gefur klaustrinu með sér jörðina Skarð í Fnjóskadal með samþykki Margrétar Eyjólfsdóttur móður sinnar.

Jón ábóti á Munkaþverá krefur af Stígi Einarssyni alla þá peninga, sem hann hefur burtu haft frá klaustrinu eftir sálugan Einar Ísleifsson ábóta, og lýsir Illugastaði í Fnjóskadal ævinlega eign klaustursins.

Boðunarbréf Ólafs Rögnvaldssonar Hólabiskups til prestastefnu þann 29. apríl 1494 að Víðivöllum í Skagafirði.

Ásgrímur Jónsson ábóti á Þingeyrum selur Gísla Filippussyni jörðina Bjargastaði í Austurárdal og fjögur hundruð í eyðikotinu Hnausum fyrir 10 hundruð í fullgildispeningum og sex hundruð, er Gísli skyldi taka til sín í þjónustulaun um tvö ár.

Þrúður Benediktsdóttir selur Finnboga Jónssyni lögmanni jörðina Vík í Reynistaðarþingum með þeim atriðisorðum, er bréfið greinir.