Halldór Þorvaldsson selur Ara Magnússyni Tröð í Holtskirkjusókn en fær í staðinn hálfa Sveinseyri í Hraunskirkjusókn. Í Vigur, 11. desember 1604; bréfið skrifað í Þernuvík 28. desember sama ár. Útdráttur.

Vitnisburður Arnórs Finnssonar, að hann hafi séð umboðsbréf Kristjáns konungs Birni Þorleifssyni til handa til að kvitta Teit Gunnlaugsson um öll brot við konung.

Vigfús lögmaður Erlendsson kvittar um lest fiska, er hann hafi upp borið af Ögmundi ábóta í Viðey vegna Bjarnar Þorleifssonar í skuld herra Andres Mus biskups í Ósló, og ábyrgist ábóti Bjarnar vegna greiðslu á annari lest tvö ár næstu eptir komandi.

Afrit af bréfi um þá skikkun að þeir sem eiga leyfislausa hesta skuli gjalda 24 fiska, helmingur fari til umboðsmannsins Christoffers Jensens og helmingur til fátækra. Skikkunin fór fram 2. nóvember 1703. Þórður Þórðarson og Sigurður Sölmundsson votta að rétt sé eftir frumbréfi skrifað, dags. 7. júní 1704.

Péte Loptsson fær Árna Pétrssyni, syni sínum, til eignar jörðina Akreyjar á Breiðafirði fyrir fjörutíu hundruð, en Árni skal í móti svara kirkjunni í Dal í Eyjafirði fjörutíu hundruðum i reikningskap, og Pétr hafa Akreyjar svo leingi er hann lifir.

Afrit af bréfi þar sem tólf klerkar nyrðra samþykkja séra Jón Arason ráðsmann og umboðsmann heilagrar Hólakirkju í öllum efnum milli Ábæjar og Úlfsdalsfjalla.

Alþíngisdómur sex presta (Björn Gíslason vc) og sex leikmanna, útnefndur af lögmönnum báðum og biskupum báðum, um ákærur Heinreks Gerkens Hannessonar Til Guðbrands biskups: a, að hann eignaði Víðdalstúngu kirkjureka á Illugastöðum, Þíngeyra klausturs jörð; b, að hann héldi hálft Spákonufell undir dómkirjuna, sem hann taldi H Gerkens taldi klaustrinu. Dæma þeir klaustrinu tekana þartil biskup sýni eignarrétt kirkju sinnar, en hið síðara atriði dæma þeir til næsta alþingis, þareð biskup kvað sér þá ákæru óvænta. Dómurinn fór fram 1. dag Julii 1572, en dómsbréfið skrifað við Hafnarfjörð þrem dögum síðar.

Magnús Guðmundsson meðkennir að hafa fengið fulla peninga fyrir jörðina Svartagil í Norðurárdal og gefur hann Þórð Guðmundsson kvittan. Útdráttur.

Jóhann Pétursson hirðstjóri og höfuðsmaður yfir allt Ísland kvittar, fyrir meðalgaungu Ögmundar biskups, Bjarna Erlendsson af því sakferli, er móðir hans varð brotleg fram hjá Erlendi Bjarnasyni bónda sínum.

Jón Snorrason kvittar Einar bónda Oddsson vegna Ingileifar Jónsdóttur konu sinnar um andvirði sextán hundraða í Brandagili í Hrútafirði og fjögurra hundraða í Geithóli.

Gísli Álfsson, með samþykki konu sinnar Valgerðar Eiríksdóttur, selur biskupinum Brynjólfi Sveinssyni jörðina Hraunskot í Grímsnesi fyrir Hvammsvík í Kjós. Í þessari transskrift eru afrituð ýmis gögn sem tengjast þessum jörðum og landamerkjum þeirra.

Dómr sex manna útnefndr af Guðna Jónssyni, er þá hafði kongs sýslu og umboð milli Geirhólms og Langaness, um það, hversu full eignarvitni þau skyldi, er ger voru um þá gjöf, er Brandr heitinn Jónsson gaf Sigmundi syni sínum jörðina Bæ í Súgandafirði og hálfan Vatnadal.

Jón Loftsson selur Jóni bónda Björnssyni Þyrisvelli (Þyrilsvelli) í Steingrímsfirði fyrir Laugar í Hvammssveit.

Björn Eiríksson selur Páli Guðbrandssyni þá tíu hundraða jörð er hann átti hjá herra Guðbrandi Þorlákssyni og Guðbrandur var Birni skyldugur fyrir tíu hundruð í Neðri-Mýrum í Höskuldsstaðakirkjusókn. Á Vindhæli á Skagaströnd, 21. maí 1609; bréfið skrifað á Þingeyrum 30. maí sama ár.