Vigdís Halldórsdóttir selur dóttur sinni Agnesi Torfadóttur jörðina Brekku í Dýrafirði. Í kirkjunni í Hrauni í Dýrafirði 8. janúar 1598; bréfið skrifað á Kirkjubóli í Önundarfirði 25. febrúar 1600.

Kaupmálabréf og gifting séra Jóns Einarssonar og Guðrúnar Árnadóttur. Kaupmálinn staðfestur á Grund í Eyjafirði 21. júní 1612, hjónavígsla gerð í Skálholti 5. júlí sama ár; bréfið skrifað í Eydölum 1. ágúst sama ár.

Dómur á Gröf í Ytrahrepp um jörðina Grafarbakka.

Guðmundur Bjarnason gefur og greiðir Ara Magnússyni selhúsastöðu í Tungudal í Króksfirði.

Þorgautur Ólafsson selur Sæmundi Árnasyni 33 hundruð í jörðinni Álftadal í Sæbólskirkjusókn og fær í staðinn Tungu í Valþjófsdal, aðra jörð sem Sæmundur útvegar síðar og lausafé. Marsibil Jónsdóttir, kona Þorgauts, samþykkti þennan kaupskap. Á Sæbóli á Ingjaldssandi, 27. apríl 1601; bréfið skrifað 12. maí sama ár.

Dómur í Viðvík í Viðvíkursveit um ákæru Guðmundar Einarssonar skólameistara, í umboði herra Guðbrands Þorlákssonar, til séra Jón Gottskálkssonar vegna Brúnastaða í Mælifellskirkjusókn. Kveðinn 14. janúar 1601; bréfið skrifað 10. febrúar sama ár.

Vitnisburður Bárðar Hemingssonar um að Jón Árnason hafi, á Skriðuklaustri í Fljótsdal, 3. nóvember 1624, gefið konu sinni Guðrúnu Jónsdóttur allar sínar löggjafir, fyrir bón Arnfríðar Einarsdóttur.

Bréf Gísla Jónssonar þar sem hann segir að Daði Guðmundsson hafi oft lýst því fyrir sér að hann hafi ekki haft líkamlegt samræði við Ingveldi Árnadóttur áður en honum fæddist Þórunn Daðadóttir með sinni dándikvinnu Guðrúnu Einarsdóttur. Hvammi í Hvammssveit 24. ágúst 1583.

Séra Gamli (Gamalíel) Hallgrímsson gefur vitnisburð og útskýringu vegna hórdómsbrots er sonur hans Þorkell var getinn utan hjónabands, en með vitnisburði sínum vill Gamli þagga niður vondar tungur sem leggja hneykingu til Þorkels vegna framferðis foreldra hans. Á Grenjaðarstöðum 20. febrúar 1601.

Áður en gengið er frá kaupum Björns Benediktssonar á Reykhólum af Ara Magnússyni, lofar Ari að ábyrgjast sjálfur þrennar klaganir sem upp á jörðina kynnu að koma; 1) af höndum erfingja eða niðja Björns Guðnasonar, 2) af höndum erfingja séra Greips heitins Þorleifssonar, eða 3) af höndum Ragnheiðar Pálsdóttur eða hennar örfum.

Gerningsbréf með síra Jóni Þorleifssyni í Vatnsfirði og Arna Gíslasyni um skipti þeirra ýmiss konar, þar á meðal tekur síra Jón umboð Árna á jörðum hans í Vestfjörðum, heitir að selja honum jarðir nokkurar, er hann kallar til norðanlands, ef hann kann að ná þeim með lögum, en Árni heitir að gefa upp við síra Jón Vatnsfjarðarstað þá um vorið, með fleiri greinum, er bréfið hermir.

Alþíngisdómur sex presta (Björn Gíslason vc) og sex leikmanna, útnefndur af lögmönnum báðum og biskupum báðum, um ákærur Heinreks Gerkens Hannessonar Til Guðbrands biskups: a, að hann eignaði Víðdalstúngu kirkjureka á Illugastöðum, Þíngeyra klausturs jörð; b, að hann héldi hálft Spákonufell undir dómkirjuna, sem hann taldi H Gerkens taldi klaustrinu. Dæma þeir klaustrinu tekana þartil biskup sýni eignarrétt kirkju sinnar, en hið síðara atriði dæma þeir til næsta alþingis, þareð biskup kvað sér þá ákæru óvænta. Dómurinn fór fram 1. dag Julii 1572, en dómsbréfið skrifað við Hafnarfjörð þrem dögum síðar.

Vottun á greiðslum fyrir jarðir.

Árni Gislason veitir Eggert lögmanni Hannessyni umboð til næsta alþingis yfir eignum Ögmundar byskups í Vestfjörðum, þeim er hann hafði sjálfr kongsumboð á.

Kaupbréf um jarðirnar Dynjanda, Hóla, Hof, Holt og Hvalsker.

Séra Jón Sigurðsson selur Jóni Magnússyni hálfa jörðina Eyri í Seyðisfirði og fær í staðinn jarðirnar Fót í Eyrarkirkjusókn, Heydal í Mjóafirði og Suðureyri í Súgandafirði. Á Eyri, 21. ágúst 1619.

Kaupmáli milli Péturs Gunnarssonar og Guðrúnar Guðmundsdóttur.

Kaupmálabréf Rafns Sigurðssonar og Skólastíku Gamalíelsdóttur.

Tylftardómur og lögmannsúrskurðr, er lýsir friðhelgi yfir Þorsteini Guðmundssyni á Grund, mönnum hans og fé hans öllu.

Eggert lögmaður Hannesson úrskurðar, að Jón Grímsson megi réttilega að sér taka Dynjandi í Grunnavík, svo framt sem hann hefði lof og leyfi erfingja Narfa Jónssonar.

Kaupgjörningur á milli annars vegar Eiríks Oddsonar, bróður hans Árna lögmanns og eiginkonu Eiríks, Þorbjargar Bjarnadóttur og hins vegar Brynjólfs Sveinssonar biskups. Brynjólfur fær í þessum viðskiptum jarðirnar Berufjörð, Skála, Torfastaði, Nýpssand, Vakurstaði, Hlíð, Áslaugarstaði, Breiðamýri og Brekkur en Eiríkur, Árni og Þorbjörg fá Sleggjulæk, Mávalæk, Írafell, Grafarkot, Vatnshorn, Sólheima, Hamraenda, Reyni og Galtarvík innri. Við Öxará, aðfaranótt 1. júlí 1644.