Vitnisburður, að þeir bræður Halldór Brandsson, Hrafn Brandsson og Snjólfur Brandsson gengu í borgan við Rögnu Hrafnsdóttur móður sína að svara kirkjugóssum á Barði vegna Brands Halldórssonar föður þeirra, eftir því sem á hvers þeirra hlut kæmi á móts við systur sínar.

Vitnisburðarbréf, að Magnús Þorgrímsson djákni og Una Þorgrímsdóttir systir hans hafi samþykkt allan skilmála Magnúsar Jónssonar og Margrétar Finnbjarnardóttur móður þeirra um jörðina Skóga í Öxarfirði.

Gyrðir Ívarsson Skálholtsbiskup og Jón Eiríksson Hólabiskup semja með sér, að Gyrðir biskup skili Jóni Hólabiskupi gullkaleik þeim, sem sé eign Hólakirkju, en Ormur biskup hafði gefið Jóni Sigurðssyni Skálholtsbiskupi, gegn því að Jón Hólabiskup greiði Gyrði biskupi 23 hundruð, er Ormur biskup fékk að láni af Skálholtsstað.

Þorsteinn Bessason selur Ólafi Rögnvaldssyni Hólabiskupi jörðina Laugaland í Fljótum, með samþykki Sigríðar Böðvarsdóttur konu sinnar, fyrir Steinnýjarstaði á Skagaströnd.

Ólafur Rögnvaldsson Hólabiskup lýkur séra Katli Grímólfssyni jörðina Bakka í Ólafsfirði í ráðsmannskaup fyrir fimm hundruð.

Hákon Hallsson selur Einari Ísleifssyni ábóta á Munkaþverá með samþykki Þorbjargar Þorkelsdóttur, konu sinnar, jörðina Sandfellshaga í Öxarfirði fyrir 20 hundruð í gangandi fé.

Vitnisburður Erlends Ólafssonar um afhending Merkigils.

Snjólfur Sigurðsson prestur lýsir því að hann hafi vegna Ólafs Rögnvaldssonar Hólabiskups lukt séra Guðmundi Skúlasyni svo mikla peninga fyrir jörðina Býjasker, sem bréfið greinir.

Vitnisburður fjögurra manna um að Benedikt Kolbeinsson hafi gefið Reynisstaðarklaustri reka þá sem Ólöfarpartar heita.

Sveinn Sumarliðason bóndi fær Jóni Finnbogasyni að gjöf til fullrar eignar jörðina Skáldalæk í Svarfaðardal, og gerir það með samþykki Guðríðar Finnbogadóttur konu sinnar.

Vitnisburður sex manna um upplestur bréfa á alþingi.

Þorvaldur Eiríksson vottar að hann heyrði Einar Þorbjarnarson lýsa því í Fornhaga í Hörgárdal pláguárið (1403) að Ingiríður Böðvarsdóttir gaf Hólakirkju í Hjaltadal jörðina Kelduland í Skagafirði.

1) Vígslumáldagi Maríukirkju á Kirkjubóli í Skutulsfirði, er Jón Halldórsson Skálholtsbiskup setti. 1333 2) Máldagi kirkjunnar á Eyri í Skutulsfirði, er Jón Halldórsson Skálholtsbiskup setti. 1. september 1333 3) Þórarinn Sigurðsson Skálholtsbiskup staðfestir máldaga kirkjunnar á Kirkjubóli þann er Jón Halldórsson Skálholtsbiskup hafði skipað 1333. 17. ágúst 1363 4) Gottskálk Keneksson Hólabiskup og administrator heilagrar Skálholtskirkju samþykkir ofangreinda máldaga og veitir aflát þeim er sæki með góðfýsi Kirkjubólskirkju í Skutulsfirði. 31. ágúst 1452 5) Oddur Einarsson Skálholtsbiskup vottar og samþykkir að allt skuli haldast sem í ofangreindum máldögum Kirkjubólskirkju stendur eftir þennan dag svo lengi sem það stríði ekki gegn guðs heilaga orði né landslögum. 1590.

Guttormur Jónsson lýsir því, að hann hafi gefið Þórði Jónssyni bróður sínum tíu hundruð í jörðinni Hóli í Siglufirði.

Hallsteinn Þorsteinsson lýsir því, að hann og Cecelia Þorsteinsdóttir (Sesselja Þorsteinsdóttir) kona hans hafi gefið "fyrst að upphafi guði almáttugum, jungfrú Marie og helga blóð" jörðina Skriðu í Fljótsdal með rekum og ítökum til ævinlegs klausturs.

Skiptabréf þeirra Sigurðar Jónssonar príors á Möðruvöllum og Ólafs Rögnvaldssonar Hólabiskups um jarðirnar Engimýri, er klaustrið lætur, og Skollatungu, er biskup fær klaustrinu.

Jarðakaupabréf Orms Áslákssonar Hólabiskups og Þorsteins Kolbeinssonar, að Þorsteinn lætur biskup fá Enni í Refasveit með veiði í Blöndu fyrir Tungunes á Ásum.

Ólafur Rögnvaldsson Hólabiskup tekur staðinn Miklabæ af Sigmundi Steindórssyni presti um þrjú ár, fyrir óhlýðni hans, og segir hann skyldugan að taka lausn og skriftir.

Skrá um eignir dómkirkjunnar á Hólum í Hjaltadal í lausu fé kviku og dauðu er Gunnsteinn ábóti á Þingeyrum lét gera.

Guðmundur Björgólfsson og Ragnheiður Þorvarðsdóttir kona hans selja klaustrinu á Reynistað jörðina á Skíðastöðum í Laxárdal fyrir jörðina Skarð á Reykjaströnd, og tilskildu það, að Barbara abbadís á Stað ætti að láta kenna syni þeirra til prests, og fór kaupið fram tíu dögum áður en það væri bréfað (sbr. DI IV, nr. 684).

Fimm menn votta að Benedikt Kolbeinsson og Kolbeinn Benediktsson sonur hans seldu Reynisness stað jafnmikla reka sem Þorsteinn Kolbeinsson seldi Agli Eyjólfssyni Hólabiskupi.

Vitnisburður um eignarheimild að Garði í Ólafsfirði og Garðshorni í Svarfaðardal og um tilkall Jóns Finnbogasonar til nokkurra jarða í Fljótum.

Vitnisburður, að Halldór Brandsson hafi samþykkt, að Ólafur Halldórsson sonur sinn gæfi Sturlu Magnússyni í próventu og sér til framfærslu alla þá peninga, er Ólafi höfðu til erfða fallið eftir Helgu Einarsdóttir.

Vitnisburður um landamerki Sigríðarstaða og Vestri-Tjarna í Ljósavatnsskarði.

Jón Þórðarson gefur Ólafi Rögnvaldssyni Hólabiskupi í testamentisgjöf sína jörðina Skarðsdal í Siglunesskirkjusókn.

Jón Þorvaldsson officialis lýsir því, að hann hafi gift Jón Sigmundsson og Björgu Þorvaldsdóttur, og að engir sé meinbugir á með þeim.

Guðmundur Hákonarson sýslumaður og klausturhaldari á Þingeyrum bætir sex kúgildum við fyrri gjöf sína fyrir 12 árum þegar hann gaf fátækum jörðina Hamar í Svínavatnshreppi.

Heit Jóns Eiríkssonar skalla Hólabiskups og Norðlendinga til guðs signuðu móður jómfrú sánkta Maríá, hins heilaga Jóns og hins góða Guðmundar Hólabiskupa og allra guðs heilagra manna um linun á snjóþyngslum og vetrarhörkum, og lofa þeir að halda heilaga getnaðartíð Máríu á jólaföstu (8. desember).

Kristín Þorsteinsdóttir geldur Sigmundi Guðmundssyni syni sínum hálft þrettánda hundrað í jörðunni Sólheimum ytri í Mýdal gegn tíu hundruðum í Ystaskála undir Eyjafjöllum, með þeim atriðisorðum, sem bréfið greinir.

Böðvar Þorsteinsson prestur selur þeim bræðrum Hjalta og Katli Guðmundssonum jörðina að Efstafelli með öllum hlutum og hlunnindum.

Pálmi Sæmundsson kvittar fyrir andvirði Lundar í Fljótum.

Jón Árnason gefur Halldóri Loftssyni presti hálfa jörðina Krisnes í Eyjafirði.

Vitnisburður tveggja presta um það, að páfatíund hafi verið greidd til Noregs úr Hólabiskupsdæmi á dögum þeirra Hólabiskupanna Auðunns Þorbergssonar rauða, Lárentíusar Kálfssonar og Egils Eyjólfssonar.

Bréf Goðsvins Comhaer Skálholtsbiskups til Jóns ábóta í Þykkvabæ í Veri, þar sem hann biður hann að taka opið bréf séra Ámunda Hallssonar og séra Hafliða Jónssonar hvað þeir mega framast vita um lýsing Margrétar Þorbergsdóttur (DI IV, nr. 643) og svo að hann fái skjallega að vita, hvað systurnar Ingveldur og Brigit á Kirkjubæjarklaustri muna þar til.

Fimm menn votta að Benedikt Kolbeinsson og Kolbeinn Benediktsson sonur hans seldu Reynisness stað jafnmikla reka sem Þorsteinn Kolbeinsson seldi Agli Eyjólfssyni Hólabiskupi.

1) Máldagi Nikuláskirkju í Odda á Rangárvöllum. 1270. 2) Þrír prestar transkríbera máldaga frá 1270 (DI II, nr. 34). 23. desember 1499.

Jón Þórðarson vottar, að hann hafi heyrt teginn milli Hóla og Reykjarhóls í Fljótum, er Hólastaður á, eignaðan Hólum meir en í 30 vetra.

Halldóra abbadís og konventusystur í Kirkjubæjarklaustri lýsa því, að þeim hafi, úr því Goðsvin Comhaer Skálholtsbiskup hafi lagt frjálsa kosning í þeirra skaut, komið saman um að leggja heldur frá klaustrinu árlega eitt hundrað til Reynistaðarklausturs í kost systur Margétar Þorbergsdóttur, en að taka hana til Kirkjubæjar og fá lagt árlega hundrað frá Reynistaðarklaustri.

Vitnisburður um landamerki Þórðarstaða í Fnjóskadal.

Sveinn Jónsson prestur selur í umboði klaustursins í Kirkjubæ Bárði Auðunarsyni ábóta í Þykkvabæ hálfa jörðina Eystri-Ása í Skaftártungu fyrir allan þann skóg, er síðastnefnt klaustur átti í Brandalandi, og eru ummerki hans tilgreind.

Sigurður Sigurðsson prófastur skoðar reikningsskap kirkjunnar á Ingjaldshóli.

Auðunn Þorbergsson Hólabiskup staðfestir stofnunarskrá Jörundar Þorsteinssonar Hólabiskups fyrir klaustrinu á Stað í Reyninesi frá 1295 (DI II, nr. 159).

Ketill Teitsson kvittar Einar Ísleifsson ábóta á Munkaþverá fyrir níu hundruðum, sem er andvirði fyrir tiltölu þá, er Ketill átti til Skóga í Axarfirði.

Brandur Ormsson selur Ólafi Kolbeinssyni tólffeðmings torfskurð í jörðina Bakka í Öxnadal fyrir þá peninga er hann lét sér vel nægja.

Þrír prestar votta, að Bjarni Ólason hafi í návist Ólafs Rögnvaldssonar Hólabiskups játað það, að hann hafi legið átta sinnum eða oftar með Randíði Bjarnadóttur dóttur sinni, þá er hún var 15 vetra, og að hann beiddist enn að nýju náðar og miskunnar af Ólafi biskupi.

Vitnisburður um landamerki Hóls og Selár á Skaga.

Þórður Jónsson gefur Sigurði Þorlákssyni presti jörðina Hól í Siglufirði í löggjöf sína, en Sigurður prestur gefur Þórði söðul með öllum reiðskap fyrir tvo hundruð og góðan hest bleikálóttan.

Vitnisburður þriggja manna um samning þeirra Magnúsar Þorkelssonar, vegna Kristínar Eyjólfsdóttur, konu sinnar, og Guðrúnar Gunnlaugsdóttur um arf eftir Eyjólf Arnfinnsson heitinn.