Vitnisburður Þorkels Magnússonar, að Steinn Snorrason og Jón Snorrason bróðir hans hefði lagt 40 marka, er Steinn var skyldugur Ólafi Rögnvaldssyni Hólabiskupi og Hólakirkju, upp í jörðina Dæli í Svarfðaradal.

Gilsbrikt Jónsson prestur selur Gottskálki Nikulássyni Hólabiskupi jörðina Mánaskál í Laxárdal til panta fyrir 35 hundruðum, er biskup átti hjá honum, en lausn sé á jörðinni innan þriggja ára.

Tveggja tylfta dómur, útnefndur af Ólafi Rögnvaldssyni Hólabiskupi á prestastefnu, um kæru til Árna Höskuldssonar, að hann hefði eigi haldið Eyrarlandsdóm frá 7. júní 1479 (DI VI, nr. 202) um kirkjugóssin í Núpufelli og á Hnappstöðum.

1) Sálugjafarbréf (testamentisbréf) Margrétar Þorvaldsdóttur, 30. nóvember 1401. 2) Þrír prestar transrkíbera sálugjafarbréf (testamentisbréf) Margrétar Þorvaldsdóttur, 30. maí 1487.

Dómur átján presta, útnefndur af Ólafi Rögnvaldssyni Hólabiskupi, um ákæru biskups til þeirra bræðra Hrafns Brandssonar, Halldórs Brandssonar og Snjólfs Brandssonar um kirkjugóssin á Barði í Fljótum (Barðsdómur hinn fyrri).

Kaupmálabréf Ólafs Filippussonar og Vigdísar Jónsdóttur.

Staðarbréf útgefið af Jóni Arasyni Hólabiskupi handa Ólafi Hjaltasyni presti fyrir Laufási.

Marcellus Skálholtsbiskup vottar, að Ólafur Rögnvaldsson, prestur Skálholtsbiskupsdæmis, hafi fengið sér fyrir hönd Gottskálks Kenekssonar Hólabiskups og umboðsmanns Skálholtskirkju tíu nobila í ensku gulli eða fjögur mörk í dönskum peningum.

Ásgrímur Jónsson ábóti á Þingeyrum selur Gísla Filippussyni jörðina Bjargastaði í Austurárdal og fjögur hundruð í eyðikotinu Hnausum fyrir 10 hundruð í fullgildispeningum og sex hundruð, er Gísli skyldi taka til sín í þjónustulaun um tvö ár.

Atli Önundarson, Kári Önundarson og Eyjólfur Önundarson selja Einari Ísleifssyni ábóta og klaustrinu á Munkaþverá allan skóginn í Vaglajörðu milli Merkilækjar við Valavörðu og Kiðsár, að fráteknum ánefndum parti, fyrir alls 15 hundruð, með fleira skilorði, er bréfið greinir.

Vitnisburður séra Jóns Gottskálkssonar og Ólafs Tómassonar um að hafa séð og heyrt á orð og handaband Jóns Jónssonar og Guðrúnar Árnadóttur á Víðimýri í Skagafirði þar sem Guðrún samþykkti allan þann gerning og kaupskap sem bóndi hennar séra Nikulás Þórðarson hafði haft við Jón Jónsson um jarðirnar hálfa Brúnastaði í Tungusveit og Krakavelli í Flókadal.

Dómur Þorkels Guðbjartssonar prests, fimm presta annarra, tveggja messudjákna og fjögurra leikmanna, útnefndur af Jóni Vilhjálmssyni Craxton Hólabiskupi, um sættargerð þeirra Brands Jónssonar og Magnúsar Benediktssonar í umboði Margrétar Eiríksdóttur móður sinnar um kirkjufén að Hofi á Höfðaströnd.

Dómur tólf klerka nyrðra útnefndur af Ögmundi Pálssyni Skálholtsbiskupi og umboðsmanni Hóladómkirkju um kærur biskups til séra Jóns Arasonar og allra þeirra, er rænt hafa skipi dómkirkjunnar, gulli, silfri, smjöri, slátri, skreið og vaðmálum og öðrum þarflegum peningum.

Próventubréf Sveins Guðmundssonar, er Ólafur Rögnvaldsson Hólabiskup tekur í próventu á Hólastað.

Ólafur Rögnvaldsson Hólabiskup lýsir því, að Eiríkur Einarsson prestur kæmi til sín um vorið 1487 og kvæði bræður á Munkaþverá hafa kosið sig til ábóta, en biskup kvað hann ekki hafa "klausturkjöt", og setti hann þó til reynslu um tólf mánuði fyrir klaustrið; en að jólum kom prestur og beiddist þá í senn ábótavígslu og lausnar fyrir barneign, og þykir biskupi það ekki mega fara saman.

Dómur klerka útnefndur af Jóni Þorvaldssyni presti og Guðmundi Jónssyni officialibus Hólabiskupsdæmis, að Einar Benediktsson ábóti á Munkaþverá og klaustrið skuli hafa og halda jörðina Illugastaði í Fnjóskadal þar til réttur Hólabiskup gerir þar lagaskipan upp á.

1) Sveinn Guðmundsson gefur heilagri Hólakirkju til ævinlegrar eignar jörðina Kryddhól í Víðimýrarkirkjusókn með þeim atriðisorðum, er bréfið greinir. 18. janúar 1492. 2) Transskriftabréf tveggja manna. 21. október 1493.

Bréf Gauta Ívarssonar erkibiskups í Niðarósi til manna í Hólabiskupsdæmi, að allir þeir, er vörslur hafi á hálfkirkjum sé skyldir að gera biskupi reikningsskap af þeim, en Ólafur Rögnvaldsson Hólabiskup hafði kært málið fyrir erkibiskupi.

1) Dómur 26 klerka útnefndur af Ólafi Rögnvaldssyni Hólabiskupi um kæru biskups til Árna Höskuldssonar um kirkjuféin í Núpufelli í Eyjafirði og á Hnappstöðum í Fljótum. 7. júní 1479. 2) Transskriftarbréf fjögurra manna af Núpufellsdómi. 14. júní 1480.

Próventubréf Helgu Finnsdóttur við frú Barböru abbadís og klaustrið á Stað í Reyninesi.

Dómur klerka útnefndur af séra Pétri Pálssyni um kærur Solveigar Hrafnsdóttur abbadísar á Stað í Reynisnesi til Jóns Guðmundssonar fyrir kúgildahald, kirkjutíundir, rekatöku og vanrækslu á húss uppgerð.

Skipti Hóla í Fljótum fyrir Tjörn og Hraunkot í Aðalreykjadal.

1) Dómur tólf presta, útnefndur af Jóni Arasyni Hólabiskupi, um gjöf þá, er Teitur Þorleifsson heitinn gaf guði og sankti Jóhannesi í sitt testamentum jörðina Glaumbæ í Skagafirði að sér fráföllnum. 24. nóvember 1540. 2) Vottfest uppskrift fjögurra manna. 20. janúar 1579.

Ólafur Rögnvaldsson Hólabiskup tekur Ingibjörgu Þorláksdóttur til ævinlegrar próventu á Hólastað, en Kolli Magnússon bóndi hennar gefur í próventuna hálfa jörðina Skálá í Sléttuhlíð og þar til 22 hundruð í gangandi fé.

1) Dómur sextán presta útnefndur af Ólafi Rögnvaldssyni Hólabiskupi um ákæru Finnboga Jónssonar lögmanns til erfingja séra Sveinbjarnar Þórðarsonar, er haldið hafði staðinn og kirkjuna í Múla, eftir hann andaðan, Þorstein og Árna, að þeir hefði og héldi peninga Múlakirkju. 2) Reikningsgrein Múlakirkju í Aðaldal, sem séra Magnús Jónsson stóð Ólafi Rögnvaldssyni Hólabiskupi. 1489. Skrifuð á bakhlið bréfsins.

Reikningur Möðruvallaklausturs.

Stefán Einarsson selur Ara Jónssyni jörðina Dísastaði og 8 hundruð í jörðunni Fagradal í Breiðdal fyrir jörðina Vatnsleysu í Fnjóskadal og 12 hundruð í lausafé.

Ólafur Rögnvaldsson Hólabiskup selur Skúla Loftssyni bónda jöðina í Ási í Vatnsdal fyrir Uppsali í Skagafirði.

Ólafur Filippusson selur með samþykki Einars sonar síns Gottskálki Nikulássyni Hólabiskupi jörðina Auðkúlu í Svínadal fyrir jarðinar Ytri- og Syðri-Borg í Vesturhópi, með þeim atriðum, er bréfið hermir.

Hálfdan Einarsson handsalar Einari Ísleifssyni ábóta á Munkaþverá klaustrinu til eignar þann skóg, er hann reiknaðist eiga í Vaglajörðu í Fnjóskadal, gegn svo miklu timbri úr skóginum, er Árni Einarsson bróðir Hálfdanar hafði átt skilið, en það var tíu hundrað að tölu eða tólf.

Solveig Þorleifsdóttir selur Jóni Sigmundssyni syni sínum jörðina Staðarhól í Saurbæ fyrir jörðina Flatatungu, er Jón hafði fyrrum fengið af móður sinni fyrir Bjarg í Miðfirði.

Vitnisburður um lýsing til hjónalags og um festing Bárðar Jónssonar og Sigríðar Jónsdóttur.

Vitnisburður séra Salómons Guðmundssonar um veiði í Nikulásarkeri í Norðurá.

Vitnisburður Jóns Ísleikssonar um Dyrhólaey í Mýrdal og þann ós er þar fyrir austan fellur. Svarinn að bón bræðranna Magnúsar og Hákonar Þorsteinssona.

Jón Broddason officialis Hólabiskupsdæmis bannar Magnúsi Illugasyni presti að þjónusta Einar Björnsson og hans fylgjendur, sem voru að ráninu í Miklabæ.

Sigurður Sigurðsson prófastur tekur út kirkjuna á Ingjaldshóli að bón Þórðar Þorlákssonar Skálholtsbiskups.

Jón Pálsson prestur selur Birni Jónssyni jörðina að Sólheimum á Ásum í Svínavatnsþingum, en Björn gaf við jarðirnar Böggustaði og Brimnes í Svarfaðardal.

Koðrán Jónsson gefur guði almáttugum, jungfrú Maríu og klaustrinu á Skriðu hálft fimmta hundrað í jörðunni Ánastöðum á Útmannasveit og vottar, að hann heyrði séra Svein Jónsson heitinn lýsa því, að hann hefði gefið sama klaustri hálft sjöunda hundrað upp í nefnda jörðu.

Jón Arason Hólabiskup tekur reikningskap af séra Pétri Pálssyni, er þá var ráðsmaður Hóladómkirkju, um allar staðarins eignir heima og heiman, "eftir tölu séra Péturs", og átti dómkirkjan þá hafskip vel fært, er dró nær sjötigi lesta"; um lausafé það eftir Gottskálk Nikulásson Hólabiskup, er bræður hans skyldu erfa, hafði Jón biskup gert sama með ráði erkibiskups, og bréf sýndi hann fyrir því, að hann hefði goldið Ólafi Engilbrektssyni erkibiskupi það "Guðmundar silfur og gull, sem var á Hólum að biskupi Gottskálki frá föllnum, svo framt það væri guðs vilji",

Sjöttardómur, kvaddur af Tuma Þorgrímssyni sýslumanni, dæmir um framfæri barna Daða Steinþórssonar.

Vitnisburður tólf manna um það, að Hólastaður eigi osttoll af hverjum skattbónda milli Hrauns á Skaga og Hrauns í Fljótum.

Sigurður Jónsson prestur og tilsjónarmaður religionis vegna í Hólabiskupsdæmi færir Víkurlönd á Skaga úr Hofskirkjusókn á Skagaströnd í Hvammskirkjusókn í Laxárdal fyrir bón eigenda og ábúanda.

Magnús Magnússon bóndi fær Ólafi Rögnvaldssyni Hólabiskupi jörðina Ljósavatn í Ljósavatnsskarði fyrir jörðina Hof í Svarfaðardal.

Dómur klerka útnefndur af Ólafi Rögnvaldssyni Hólabiskupi um Grenjaðarstað og hans peninga, er þá var forstöðulaus eftir burtför Eiríks Einarssonar af landinu með þýskum í óhlýðni og þrjósku.

Þorlákur Sigurðsson gefur með samþykki Guðmundar Þorlákssonar djákna sonar síns allan þann rétt og tiltölu, sem þeir áttu og höfðu til jarðarinnar Rípur í Hegranesi og Ástríður Jörundardóttir gaf Guðmundi, heilagri Hólakirkju og Jóni Vilhjhálmssyni Craxton Hólabiskupi, (sbr. bréf rá 24. mars 1431, nr. 491).

Sveinn Hallvarðsson og Ástríður Jörundardóttir kona hans fá Jóni Vilhjálmssyni Craxton Hólabiskupi jörðina Ríp í Hegranesi upp í reikningskap, en það sem jörðin var dýrari gengur upp í próventu Sveins, og ákveða þeir ítarlegar um próventuskilmálana.

Árni ábóti á Munkaþverá selur Guðmundi Sigurðarsyni hálfa jörðina Skriðuland í Öxnadal.

Staðarbréf handa séra Jóni Brandssyni um Barð í Fljótum, útgefið af Gottskálki Nikulássyni Hólabiskupi.

Helgi Oddsson selur Arnfinni Þorsteinssyni þann hluta í jörðinni Hálsi í Svarfaðardal, er Helgi erfði eftir Odd föður sinn.

Útlúkningarbréf Jóns Arasonar Hólabiskups til kirkjunnar á Mýrum í Dýrafirði.